Les jardinsun bio gardin
par minloute le, 29/11/2009routes d' porions et d'pétotes bin droites, alignées au cordeau
salates à démarier, bet'raffes à artirer
fuir ch' terrain, artirer ché zerpes toudis toudis
l' passache au milieu du gardin i éto arcouvert d' chintes du fourneau et délimité d' chaque coté d' bouteles in verre interrées par el' goulot
silo à carottes arcouvert d' paille
bouteles in plastique accrochées sur ché poteaux à linches faits avec des tchiots rals in ferale pour effrayer ché oziaux
tchiots piquets in bo du que d'sus ché sachets d' graines sont accrochés
arceaux in fer du tunnel d hivernache in plache toute l année
tas d' fumure au bout du gardin
près del mason chéto l' barraque du gardin , ed ' dins i avo tous ché outils : binette, croc, louchet , tout cha ché ringé , prope, aligné, caissettes ed récupération, bouteles in plastique coupées in deux pour met' ché premieres pousses
sans compter tout ché réservoirs ,ché contenants pour récupérer l io , installés souvint in bas d'el gouttiere d' eune barraque
tour au gardin "ya toudis quéquosse à faire " in rintrant du traval pi tour du gardin au soir avant d aller s' mette dins sin fauteul
pour ché zartraités chéto leur évasion, leurs vacances, in travale ché vrai, pi in discute aussi avec ché vigins ,l'temps d' rouler eune cigarette, pi del finquer insempe
et là j' peux vous dire que ché gardins i zétotent tous impecappes, ah y auro pas fallu qui n ait un qui auro mis du gazon dins chin gardin y auro passé pour un fate
achteure y a plus rien , sul' photo ci jointe ché nin un ancien gardin quélquonque, chéto l' gardin d un vrai jardinier , et ché sin ancien gardin que j a décris
( 1 photos) 
