corons de La Clarence
par minloute le, 08/12/2009l' siège d' La Clarence était l un des 2 sièges de Divion avec la Fosse 5
Toutes les 2 étaient très grisouteuses
l' cité d' La Clarence , pouvez pas l' louper , si vous arvenez d'saint pol et qu' vous arrivez in haut d' Divion in sortant d' Ourton , in la vo such' coté gauche, coron bien tracé aux rues rectilines , accroché al' colline
quand qui l on construit , i devottent et' in panne d imagination pasque pour nommer ché rues, i s y sont pris comme cha, l' rue la plus haute ale avo comme nom A , l' rue parallèle in d' sous B, puis C... bon j'va pas tout vous faire l alphabet pasque j espère que vous l' savez tous, pi que cha s arrete al' rue O
y quequ' zannées , pour "humaniser" tout cha, ah ch' terme y est bin approprié "humaniser" ah minloute j' te mettro bin eune médale, mais j' sais si in comminche par là , te va cor in faire des caisses et qui faudra attinte l' bas del pache pour arvenir à ch' sujet principal ....
bon pour in arvenir au sujet, i zont donc humanisé ( j in arviens pas cor d avoir trouvé ch' mot juste ) l' nom d' ché rues in gardant bin sur l'orde , et ché comme cha que l' rue A ale est d'venue l' rue Aragon , que l' rue B, Baudelaire, et qu'el' rue O ale est d'venue l' Rue OVide
y a bin in projet d' canger la rue Montaigne, ouais ché comme cha qui l avotent arbatisé , in rue Marie Claire et Minloute, mais comme cha a pas cor été voté par ch' consel municipal , j' va vous met' in photo l' rue k, l' rue Klingsor Tristan .... mais qui cha n' est que chtilale que j avo jamais intindu parler d' li , j a caché, chéto un poéte , critique qui est décédé in 1966, ché bien l' premier coup que j intinds parler d' li , ché ptete pour cha aussi qu in choisit aussi des noms d' personnes qui pourrotent tomber dans l oubli (comme Klingsor Tristan )
entre nous mais entre nous , et l' dite pas aux zotes, imaginez el' viele dame qu ale habite rue Klingstor Tristan, j' la vo d ichi l' dire in artenant sin dentier in meme temps, pasque Klingstor Tristan , ché pas facile à dire , alors imaginez si vous devotent invoyer eune let' ou aller rue Klingstor tristan bin pas évidint , mi à leur plache voyez , j' préférero un nom plus simpe pour l'rue , in abandonne rue Klingstor Tristan, qu in essaye d' bien l'dire d' puis taleure, et mi à leu plache j auro gardé que l' premiere lette, voyez cha auro fait rue K, ché quand meme plus simple , et j' comprinds pas qui zy ont pas busié in haut lieu, pasque ché pas eune mauvaise idée cha ....
( 1 photos)