cahier de composition 3

j' viens d arlire "l' cahier de composition 2" et cha m a arvénu que si ch' l' inspecteur in l' voyo grinmint ch' t année là ché que chéto l' premiere année pour ch' l' instituteux .................

bon cha y est ché cahiers d' compositions i zont été r'distribués par ch' maite, ché commentaires aussi ...

l' temps que ch' maite i artourne vers ch' tableau pour faire l' correction des exercices, chacun i réagisso individuel'mint au résultat d' sin exercice

in a qui n in r'venotent pas d' vire toutes ché annotations, tous ché mots soulignés in rouche, synonyme ed fautes
d' autes i ravisotent autour d eux , du ginre , zavez vu mi j a réussi , in arborant in sourire d' triomphe

d' autes , dinch' vintre mou du clas'mint i s' dijotent "cha auro pu et' pire" et j' sais pas si vous vous in souv'nez ché arrivé cor souvint, in ' a toudis un qui a eu eune bonne note et qui dit un tchiot peu fort "hé j avo pas révisé"

vérité ou bravate d' gamin, j' me souviens qui n a eu un que ch' maite y a dit " comme te dit que t avo pas révisé, j artire des points t aura juste el' moyenne, comme cha l' prochain coup te revis'ra t' leçon, t auras eune tel'mint bonne note que cha va compenser tin disse ed' moyenne ch' coup chi"

prints cha dins tes loupes ...

l' correction ale allo commincher, in prenno ch' crayon bile couleur verte , ah t avo pas interet at' tromper, VERT que j a dis i répéto ch' maite, t avo toudis un qui devo bailler aux corneles et qui s' trompo d' couleur

maintenant mes pitits garchons eune précision , chéto pas n importe quel stylo bile vert qu in prenno ah nan, chéto LE stylo bile marque BIC , écriture normale donc i devo et' TRANSPARENT, chéto pratique aussi d ailleurs in voyo toudis l' niveau d' encre dinch' tupe

ram'nez pas del' mason un stylo Bic écriture fine, avec ch' tupe jaune , i n in voulo pas ch' maite

alors li parlez pas des reynolds, ceux qui avotent un tupe blanc et que chéto transparent que juste avant l' pointe du stylo bile

in avo dro à "m'sieur, i marche pu min stylo vert" alors ch ' maite i approcho et i essayo sur un bout d' papier et si cha marcho pas i avo souvint l' remede miraque, i passo le stylo sous l' semelle des' godasse et miraque aprés cha armarcho , l' classe ale faijo un "ouaiisss" d admiration que cha faijo meme plaiji ach' mait' .....

savez meme in distribuant les valeurs ed la république, chéto un homme comme tout l' monte et eune tchiote flat'rie cha li déplaijo pas

par conte malheur a chti que le stylo i marcho pas et qui avo pu ch' capuchon alors là i avo dro a eune punition

d ailleurs in avo interet à raviser in partant que ché stylos i zavotent te bien ch' capuchon pasqu à l époque, meme si chéto pu au state expérimental, cha arrivo plus qu achteure que ché stylos i fuient

ah mes gins si zavez pas connu cha , ché un bien pour vous zautes....

pasque quand t' ouvro t' trousse et que d'dins cha avo coulé, té pouvo et' sur que t allo n in met' su tes dogts donc sur tin cahier que ch' maite parel i t' fouto eune punition et cor chéto rin que eune fos ch' l école terminée, te croyo in avoir fini, bin nan , pasque t' mère ale voyo tout d' suite que t in avo mis aussi sur tes vet' mints et là t in arpreno eune .....

y avo cor aut' causse, ché capuchons machuqués ou des tupes tout parels, machuqués aussi, cha chéto du minloute tout craché cha , alors a forche d' mette del saliffe dinch' tupe, cha coulo sut' feule, j' sais ché pas ragoutant mais chéto l' vérité vraie