cahier de composition 4

sans z' et' aussi pointilleux , méticuleux qu' min camarate André de Marles, j' va apporter des précisions concernant ché stylo bile BIC

ché stylos à tupe transparent , chéto et ché toudis l' BIC tupe transparent "cristal" , ouais meme qui zont fait un cang'mint ya eune paire d années, que ch' capuchon i est pu freumé comme avant car in y a coupé ch' bout, suite à des accidents qui étotent arrivés à des zinfants

mi cha pouvo pas m arriver vu que j' machuqo aussi bin l' tchiote tiche qui y avo sul' coté, mais aussi ch' capuchon
combien d' fos j' m a fait ingueuler par m' mère et meme qu in coup là j' avo pris un sacré coup d' rouche su ché joues , ch' maite, vu l état d' mes affaires, i avo vidé su min pupite tout ch' contenu
i s amuso aprés à monter à tout l' monte in tendant bien haut chaque objet qui éto machuqué, gomme , porte plume in bo ou que chj' bout i parto in suchette, crayons d' bos tout parels
tout cha sous l' rire d' hyennes d' toute l' classe, j allo dire , savez les zinfants i sont méchants, mais quand qu on ravisse bin , dans toute entreprise in artrouffe les comportemints qu in avo quand qu on éto tous assis su ché bancs in bo d' l école élémentaire ...
des fayots, des raconteux, des jaloux, in ' n' a toudis ...

à croire qu à part l' fait qu in porte achteure des longues maronnes , que nos caveux i blanchissent , (ou i sont quéus , hein, André..) , qu' in s' rase, nos rapports humains i zont pas vraimint évolués in vieillissant

que philosophe minloute, comme in dijo in éto tchiot "heureus'mint que t' mère ale t auro pas poussé" et l' suite ed l histoire " té ch's'ro qué dins ch' brin" .......

bon j arviens à m' n' histoire de stylos Bic, vu comme ché parti j' va devoir faire un "cahier d' composition chinq " pour terminer m' n' histoire, ché pas graffe

donc j avo parlé in premier des stylos Bic transparent "cristal" , in parlant des stylos Bic à pointe fine cha s appelle officiel'mint des stylo Bic orange ...

aprés y yavo un stylo Bic que ch' maite i voulo pas ché le M 10 , savez chti qui y avo sul' coté un cliquet in plastique qui permetto d' rintrer l' mine du stylo , sans quo pour amet' l' mine du stylo té devo rappuyer d' sus

chto le stylo des contremaites qui dijo min père, pasque ché chti que te pouvo mett' dint ' pochette, et j' me souviens qu' min père i s' moquo gentimint d' collègues à li qui mettottent 4 stylos , l' bleu, l' noir, l' rouche , l' vert

ch' maite i le supporto pas , pour 2 raisons d abord i supporto pas qu in jue avec ch' cliquet et qu in fasse "clic clic" quand qui nous faijo l' lecon

aut' point et là j' su d accord avec li , ché pour mi l' modele l' moins bien d' chez Bic pasque dins ché trousses i faijo des ravaches, chéto chti qui fuyo bien plus que les zautes et j' vous a dja dis et vous l imaginez que chéto pas agréape d' artrouver toute el' trousse rimplie d enque

et qu in plus té t in rindo compte eune fos que t avo djà mis tes dos à l intérieur ...

aut' stylos qui étotent interdits in CM2 chéto les stylo Bic à 2 couleurs, cor plus bin sur les Bic à quat' couleurs , tout cha pasqu i parait qu in faijo du bruit tout l' timps en cangeant machinal' mint d' couleur tout in acouto ch' maite au tableau

y a fallu attinte l' sixieme où là chéto beaucoup moins strict au niveau du matériel scolaire

mais sans avoir d' zactions pour Bic, ch' maite i toléro pas aussi certains stylos publicitaires, savez ceux qui étotent transparent sul' moitié du stylo et que d'dins i yavo de l io
ouais mes gins , de l io, mais pas qu' cha, j' me souviens d'2 modeles , i n a un que d' dins i yavo eune carette , alors quand que té pincho tin stylo vers l' cahier d exercice, l' carette ale déchindo l' long du tupe, et quand t armetto tin stylo dans l aute sens, l' auto t avo l impression qu ale faijo marche arriere

cha chéto interdit vu que chéto pour nous un moyen d' nous dissiper qui dijo ch' maite

par conte j' me souviens qu' min camarate Plichard i avo ram'né un stylo qu in s' montro sous l' mantiau, pasque chéto eune femme in robe noire, que si te metto ch' stylo l' tiete in bas, s' rope t avo l air qu ale s artiro et teul' voyo in maillot d' bain 2 pièches

chéto pour nous , le somome d' l érotisme, cha vous fait rigoler mes gins, mais nous in avo 9 10 ans en 1969 et ché pas à ch' t époque là qu in voyo des gougouttes al' télévision tous les jours, meme un jour dins l année

chéto pour nous "sulfureux" autres temps autres moeurs