cahier de composition 5

in arvient al' fin d' l histoire su ché cahiers d' composition
cha y est ch' maite i a rindu tous ché cahiers aux zéléffes, et ch' maite i éto pon bete, i avo souligné toutes ché fautes et mis l' note finale ouais pasque i auro pu y avoir des tchtiots rigolos qui aurottent corriger ché fautes avec ch' porte plume au lieu d utiliser le Bic cristal transparent coloris vert


au bout du stylo y yavo un bouchon del couleur d'l' enque del bille, enfin au début pasque chéto l' premier truc que j arrivo a artirer avec mes dints , avant d' m attaquer au tupe proprement dit

alors pour l' correction ch' maite i resto pas au tableau tout l' temps nan, pour faire ech' corrigé, i envoyo souvint ché fayots du premier rangs au tableau, li i resto sul' coté del' salle ed classe et i réexpliquo aux zéleffes qui n avotent te pas compris et j' sais nin commint qui faijo mais i savo pour chaque exercice chti qui avo répondu d' travers

l' pire qui faijo , ch' t animal , ché qui rinvoyo au tableau un eleffe qui avo pas compris, malin cha , commint voulez vous que chti qui a pas compris l' vele, d un seul coup par un coup d' baguette magique i trouffe el' réponse au probleme
as' deminder si i faijo pas cha aussi pour vesquer ch' l éléffe, et quand qui voyo qui compreno pas, i appelo au tableau un des bons zéléffes , qui li faijo l' correction les dogts dins l' nez, avec sin air ed pas y toucher , fayot , leche botte, in vous avo pas ker nouzautes

pi in plus ch' maite i dijo BIEN CHE BIEN TOUT A FAIT CHA alors l aute i s'sinto pu picher

pendant ch' temps là ch' ti qui avo pas compris i éto toudis sur l estrate , i trépignio d un pied su l aute , in s' dijant "mais pourquo i m' rinvo pas am' plache tout d'suite ch' maite, j' sers à rin ichi " alors à la fin ch' maite i dijo in l' ravisant " bon t a compris ch' coup chi " et là fallo et' convaincant et dire un "OUI Monsieur" et bien fort et là j' me souviens de c' qui a arrivé à min camarate Dieval , ch' maite à la fin i li dit " bon t a compris achteure ?" l' aute i li répond "oui m'sieur" bien convaincant

j 'sais pas si ch' maite i doute d' ces capacités, ou mi j'diro plutot chéto l intuition, am' mote que min camarate Dieval au lieu d attinte l' fraction d' seconte que ch' maite i alo dire "allez artourne at plache" , à peine qui avo dit "oui monsieur" qui quitto djà l estrate , alors ch' maite i li a dit d artourner au tableau et d arfaire l exercice

grand momint d' solitute pour li, nous in l a ram'no pas , pasque te risquo d aller l' arjointe su l estrate, devant tout l' monte

ch' maite y a vite compris que pour min camarate Dieval ché resto du charabia, alors i li a dit qui restero in étute au soir toute l'semaine pour bien comprinte ch' l exercice

l' correction as' déroulo normal'mint , eune fo l exercice corrigé i fallo l arcopier au propoe bin sur in écriture verte et là attention in éto pas sorti d' l auberche, t avo pas interet à faire des fautes avec le stylo vert , chéto directemint punition, ou alors si in faijo des ratures

ch' maite i récupéro ché cahiers i les armetto such' bord d' sin bureau et i j'jetto un coup d eule durant l étute su ché corrections qu in avo fait et si yavo d' zerreurs i nous appelo a l' arjointe à coté d' li à sin bureau, su l estrate d'vant tout l' monte, tout l' monte qui éto pas censé arlever la tete vu que pendant l heure d étutes in faijo ses devoirs

mais quand meme , in eto pas rassuré d aller au bureau à coté d' li , pasque chéto l' roulette russe, y a des coups i t' parlo tout bas int' dijant "fait attintion t as cor arcopier l' meme faute ichi " et i t ardonno tin cahier et t artourno at' plache , te corrigeo , et te rapporto ch' cahier et là ch' maite i t' dijo d aller t assire, sans qui a plus d' dégats

mais y a des coups t avo dro à eune punition in plus, et l' pire ché si i s apercevo que té sourio, ouais cha m est arrivé , j a eu l' malheur d' raviser la classe et min camarate Beaudoin i faijo l' pitre et j a rigolé , alors là j a eu dro al' punition pi à eune bargnouffe sum' tiete , et j a fini l heure dins zin coin les mains sul' tiete

comprenez achteure que l' cahier d' composition chéto un momint important chaque mo, un momint du qu' té pouvo printe so eune bonne note, un bon point , eune mauvaisse note, eune punition sans oublier l' bargnouffe