Les jardinscarte de géographie
par minloute le, 17/12/2009j a toudis eu ker l' géographie, ché grace aux grantes cartes que ché maites i zutilisotent in primaire pour nous faire connait' not' bio pays
j' su né en 1960, mais j a eu l enseign' mint en primaire encore à l ancienne, vu que mai 68 cha avo pas cor cangé grand cosse dins not' école
ché cartes d' france ale zétotent accrochées sul' coté del' classe, juste am' n hauteur in classe ed CM 1 avec Mr Pruvoost comme instituteux
j' jetto souvint in coup d oeil d' sus, savez ché ché grantes cartes que ch' maite i vient querre dans l' fond del classe et qui ramene au tableau , que l' carte ale est grante , bin 1.50 m sur 1.50 m , que ceux d'devant quand qui ravizotent ch' maite i voyo qu' ses mains et ses pieds qui dépassotent
l' carte ale avo deux oeillets in fer pour pouvoir l accrocher aux 2 crochets qui étotent in haut du tableau
mi j éto fasciné par ché cartes là, d abord ale zétotent belles avec d 'belles couleurs, pi y avo des noms qui étotent écrit in plus gros , MASSIF CENTRAL VOSGES MORVAN mais aussi des mots magiques in tout cas pour mi "lomagne" "seuil du lauraguais" "esterel" " sillon rhodanien" "boutonniere de la bray" " territoire de belfort" "bassin parisien" "contreforts" "plissement hercynien" "mont gerbier de jonc" "delta du rhone"
pour mi chéto presque eune musique, del poésie pour mi , j ' m imagino armonter les fleufes , j adoro artrouver l' nom des fleufes et des villes
aprés quand cha a été au CES, chéto aussi magique, mais là in quitto la France et in voyo cha à l échelle mondiale
