Les jardinsl'abbé Mille
par minloute le, 23/08/2005j' vous préviens , j va pas essayer d' vous convertir, ché nin m' n' intention
j a même pas fait eum' communion, mais savez dans la vie , i a des gins qui sont l' gentillesse in personne
des gens délicats, des gens qui ont la passion et tant mieux pour eux et qui passent leu vie à essayer d' la donner , d'la faire partager aux zautes
y est pu tout jeune, non, mais inch' momint in fait plein d' tappache pour le frere roger ch'ti qui a été assassiné l' semaine derniere par eune femme
et in acoutant les reflexions d' ché gins sur la bonté de ch' personnache célépe, j' eum diso qu in avot l' meme à Bruay
même si vous zetes te pas pratiquant , quand vous assistez à eune messe avec l' abbé Mille ché pas parel qu avec les zautes
ché comme el' musique, faut pas avoir fait du solfeche pour savoir qui qui ju bien ou pas , chti qui rayonne ou chti qui récite ........
chéto un ami d' la famille, mais chéto l' ami d' plein d' familles
l' jour où min père y est mort, i est v'nu ale mason, sans faire ed bruit , sans ête compatissant, i éto là pour qui ait eune belle messe, chéto sin cadeau à li
et min père i l' a eu, chéto tout simpe comme li, comme l' abbé Mille
alors des gins comme cha , cha s'met pas sous l'leumière, donc i faut l' faire ach' plache ...
( 1 photos)
