AVEC MODERATION
par minloute le, 24/12/2009que"Divion " (dans le livre d' or) i s inquiete pas, y a un sacré paquet ' d' temps que j a pas roulé soul' tape .... D'abord parce que pour arvenir ed' mes camarates y a bin 25 kilometes, j' compte pu les ronds points , as' deminder si ché ronds points cha a pas été inventé pour les gendarmes qui nous zarretent ....
alors meme si quand que j' va chez eux i dissent oh minloute te sais pas t amuser tout cha pasque à partir d' 21 h j' bo pu, mais mi comme j' leur dis j' jue nin à domicile, et 2 coups l année derniere j a eu dro l' soir in rintrant à souffler dins ch' tupe
alors imaginez si j' devo sortir es' soir , là in est sur d y avoir dro al' soufflette, pi cha avinche pas a grand cosse d avoir eune gueule à terre
meme si y a des coups j' dis pas que si j' conduiso et si in m arreto j's'ro positif , nan mais là ché grand mère qui conduit ale fait "sam ch' capitaine ed soirée"
pi souvint quand qu on arvient in passe par des tchtiotes routes qu in est sur que ché gendarmes i sont pas là, pasque si ché pour arreter eune carette tous les 2 heures ché pas rentape pour eux ...
cha nous permet in arvenant par ché tchiotes routes ed' vire des lapins , des putois, des chevreules la nuit, mais j' vous jure pas d éléphants rosses
quo que savez y a des coups j éto pas rassuré, mi j éto positif cha chéto sur , bin j a du faire l' copilote quand meme, cha m a dégrisé ch' coup là, ché grand mère qui conduiso mais grand mère la nuit in carette, ché "famile la taupe , la file bonne pioche"
ale conduiso l' guiffe sul' vite del carette, et aprés que j' l a vu hésiter eune paire ed coups à des carrefours, faut dire aussi que ché montées et déchintes sur des routes qu eune carette à la fo al' peut passer , j y dis comme cha " té sur qu' té vo quéquosse ?" "nan qu am' répond , j' vo pas du qu on est ....."
j' sais bin que chéto del tchiote route qu in passo mais là j' vous la dit au d'sus cha m a dégrisé , et j a jué au moniteur d auto école , j y a indiqué l' route jusqu à qu elle so à chinq kilomet' del' mason
aprés zallez dire que minloute y exagère , bin nan , ché l' vérité vraie mes gins