un drole d' r'pas hier au soir

grand mère ale avo tout acaté pour hier au soir , et dans l' matinée , y ach' voisin qui vient et qui nous invite à l apéritif pour l' soir
pas d' probleme qu ale dit grand mère, pi aprés a s est dit que si ale cuiso pas l' viante avant qu in ale printe l' apéritif à coté in allo minger à minuit, et là savez que j' su gentil, mais pour el' bouffe si ché pas prét à temps , si ché pas assez caud, mi ché comme l' loup garou quand qui a pleine leune, j' su nin contint et in m intind .........

donc grand mère ale cuit tout, ché zinfants i arriffent al ' mason et in va a coté printe l apéritif , enfin quand que j' dis l apéritif , in va dire les zapéritifs, pi y yavo des tosses

savez c'que ché des tossses ? ouais cha pourro s' dire "toastes" mais in dit "tosses" , compliqués ché zinglais quand meme ...
eux pour cheval i dissent "horse" , nous in dit "bidet" bon in arvient aux tosses

chéto nin des tosses d' surgelés, d' traiteurs, d' machin chosse imballés , fabriqués al' chaine par des gins qui arsimblero plus à des fantomes blancs, avec leu gants blancs, leurs blouses blanques l' masque blanc et l' capio blanc et qu aprés in veut nous faire accroire que ché du naturel , que l' arcette ale a pas cangé d' puis des siéques ...

nan , ch' voisin i a ker faire à minger, et ché li meme qui a fait ché tosses

quand qu on a vu l' nompe d' platiaux d' tosses in s a dit , y va y avoir d' autres gins qui vont arriver ou in n' a aussi pour demain ...bin nan ...

et l'pire dins l histoire ché qu in a tout mingé , mais pour tout mingé , i a fallu éponger

et aprés coup d' grace enfin mi j in a pas mingé, del glache al' peche melba .................tout cha avint nous d aller minger , pasque eux i faijotent 'léger" c' soir là

et qu in a arparti al' mason avec les ziux imbués d' plaisi et ptete aussi d alcoolémie, mais enfin in n avo que 10 mètes à faire

et là grand mère ale arposse el question qui ché qui minche, bin croyez me vla commint cha s est passé, ch' grand i a rin mingé, grand mère aussi, l' tchiote ale a voulu que du dessert , l' grante que du roti et del purée, et mi que des coquilles ed pichon in entrée

bin savez j a l' stomaque solite pasque ch' visqui mélingé avec des tosses au foie gras, au saucisson, al' rillette, aux zu d ' limpe, au saumon, pi aprés minger tro coquilles d' pichon que grand mère ale a dit , si te les veux te va les querre ti meme dinch' micro ontes mi si j y va j' va tout rinte such' carr'lache

excusez me mais chel' vérité vraie

heureus'mint pour min stomaque , j a accompagné ché coquilles ed pichon d un bon verre ed rouche , et ch' matin , j' su tout frais

tout frais pour qu' à midi ENFIN , j' minche ENFIN correctemint .....................

in tout cas comme i dit l' proverpe, " vaut miu et' en bon terme avec sin vigin qu' avec s' famille"