cadeau d 'la noel avec modération
par minloute le, 30/12/2009mi j a toudis eu ker la belgique, tout proche ed 'nous et djà différent, j' me souviens par exempe ,qu in passant d' Wallonie in FLandres tel' sinto, nan pas par tin nez , mais par l' fait que t éto plus s'coué su ché routes eune fo in Flandres , autant l autoroute ale éto impeccape in Wallonie qu eune fo in Flandres, y avo ché nids d' poule, pi y a bin cor des portions que l' route ché pas du bitume mais des plaques d' béton, avec un joint d' dilatation , que quand te passe à grante vitesse d' sus cha fait du bruit ...
nan j' voulo parler d' min cadeau d' la noel que pour mi ché eune ardécouverte du pays , tout in restant as' mason, d' ailleurs vaut miu rester as' mason pasque si te sors t a interet an' n avoir bu qu eune ...
j a comminché hier au soir , tout seu dins min coin, grand mère ale éto monté raviser j' sais pas quoi al' télé
quand que j' dis j' sais pas quoi, ché qu in ravisse JAMAIS l' meme programme , in n a pas les memes gouts, elle ché du genre "jamais sans m' file, jamais sans min garchon" savez les zhistoires d' su la 6 que ché femmes ale pertent leu zinfants pasqu ale zont pas d' sous et qu ale doivent les placer et qu à la fin ale zarriffent quand meme à les récupérer mais qu intertemps, grand mère ale a éclusé chinq six sacs à nasse, pasqu ale brait dins sin coin et que sin nez bin sur i guile aprés ...
m' femme ché "jamais sans ma fille" un coup j y a dit mi cha s'ro plutot "jamais avec m'belle mère" j' sais pas pourquo cha la pas fait rigoler , pourtant mi j a trouvé cha drole , bin fallo croire qu' non
parel , elle ale ravisse "docteur aousse" , "haine scie aie esse" "ché zexperts" mi cha s'ro plutot l' histoire que j a dro à "te fait tchier ti avec t' guerre" mais ché pas l'débat d aujourd ui
j arviens à "queques" lines écrites au d'sus que j' parlo des bieres belches, ouais cha a été cha min cadeau de la Noel
oh ch' père noel i a pas déchindu cha par hasard avant que che so mi qui les déchindent ... j avo invoyé eune carte au père noel
OUAIS MES GINS
et am' mote que ch' père noel i do et' natif ed lens, bruay ou auchel marles, in tout cas y a tout compris c'que j ' l y avo invoyé , et que not' patois i a su tout traduire
j arviens cor à au d'sus, ché cor d' vous fautes , à m' distraire ainsi, donc hier aprés midi , j' m a planté d'vant ché bieres et j a hésité à savoir l' quelle j allo boire
i parait que j éto dinch' passache, à quoi que j a répondu a grand mère que si j éto dins ch' passache chéto d' abord des'faute pasque ché pas mi, vous vous in doutez , qui allotent déplacer les meupes del mason, j in ai bin assez avec ch' gardin , marie claire ale pourro vous l' dire ichi inter ché plantes in terre et toutes celles qu ale sont dins des pots cha fait un paquet ..
donc am' dit "bon teut' dépeche ed ' choisir", ale dijo cha avec l' panier à linche dins ses bras, j' y a dis , "te sais i faut del reflexion pour choisir l' biere que j' va boire es' soir"
alors là ale a dit eune chosse que j' peux à peine vous répéter , que j'su sur que pour vous aussi cha va et' eune "hérésie"
ale a dit " oh d'toute facon ché bieres ché del biere , ché parel et fait pas tin malin"
là zavez compris qu' min sang i a fait plus qu eune fo l' tour du propriétaire ........ mais j' savo d avinche que ché pas la peine d' monter su ché grands bidets , j y a quand meme expliqué que ch' vin in n a d' pleins d' sortes, del piquette jusqu aux millesimes, alors j y a dis :
pour l' bierre té rimplache, piquette par pichate d' baudet et millesimes té rimplache cha par biere ed garde, sur lie, stout , etc ...
bon y a fallu que j' l'laisse passer avec sin panier, al' m écouto pu .....mi non plus d ailleurs j' l écouto pu, j l' a bin intindu maouler dins l' escalier mais j'éto in train d'raviser ché bouteles
donc hier au soir j a bu eune Blanche de Namur, Biere sur lie , de la Brasserie du Bocq ...
ché del blanche, et j' sais pas si ché parel pour vous, mais ché pas toudis eune réussite la blanche
pasque la blanche, j' vous explique ché un paradoxe et faut rapprocher cha del pichatte ed baudet
cha do in avoir l aspect trouble
mais cha do pas nin avoir le gout
et là ché pas gagné, hier au soir avec la BLANCHE DE NAMUR j a trouvé un aspect trouble mais un gout mes gins , un gout fruité
j' vo que j in passionne eune paire , donc cor aujourd hui J VA M SACRIFIER , et j va n in arboire eune
ché pas d' l alcoolisme , ché du traval journalistique ....
j a été sur le site Brasserie du Bocq et in buquant blanche de namur , j a vu qu ale avo été élu meilleure biere blanche du monde en 2009
j' comprinds cor miu mes gins
( 1 photos)