la madeleine de Proust
par Minloute le, 02/01/2010bon j' tiens à signaler que ché pas un sujet du qu in va parler d' flatulences, nan Proust chéto un écrivain , que j a jamais lu d ailleurs vu que tout l' monte i dijo que chéto illisippe in tout cas pas facile à lire
mais d' Proust in artient l' début d' un d'ses liffes , car in parle cor "del madeleine de Proust" , en fait pour s armémorer des souv'nirs d infance i print l' pretexte d' minger eune madeleine et que ché l' meme gout que celles qui mingeot quand qui éto tchiot et ché comme cha qui comminche à raconter ses souv'nirs ........
mi hier j a eu dro à ma "madeleine de Proust" mais chéto nin du gatiau , pasque j' voulo djà vous dire , hier j a été décu qu in a été mingé chez Marie Claire, qu in a eu à peine à minger .............................
et cha a fini en apothéose, y yavo pas assez d' coupes à glaches alors j y a pas eu dro ....
nan mes gins croyez me, et ché vrai y a belle lurette que j avo pas mingé autant , in a comminché à 13 heures, j' vous compte pas ché biscuits apéritifs et ché choux in intrée mais in a donc comminché à 13 heures pour finir , enfin pour dévaler d' tape i éto 19h30 .............acoutez in a du printe un palan pour artourner al' barraque , meme que Marie Claire ale s inquiéto du timps qu on metto , mais savez in avo pris eune paire ed kilos et l' carette ale avo du mau à armonter ché cotes ...
j arviens am' 'madeleine de Proust" que mi au début j' croyo que chéto eune copine à li, bin ouais, Madeleine, nan chéto bin l' gatiau, bin mi m' madeleine cha a été tout simpe mais alors que souv'nir , cha a été l' sauce tomate avec ch' pot au feu
savez l' sauce tomate qu in verse su ché légueumes cor cauds , allez eune couche pi cor eune aute, cha m a rap'lé m n' infance quand qu on allo minger ché ma Matante
sauce tomate pour ch' pot au feu , et sauce blanque pour el' poule .......
zallez dire mais ché commun cha l' sauce tomate , ouais ché vrai, mais vous savez pas l' calvaire que j' vis mi tous les jours avec grand mère
meme que Marie Claire ale s a proposé pour que j'passe à l émission d' Delarue, savez in début d aprés midi y a un débat, là mi j attinds qui proposse l' sujet " messieurs , vous qui etes brimés à vos masons et que vot' femme ale a pas né dins l' pas d' calais et que dinch' pot au feu ale rajoute des pétotes, que cha broule l' bouillon que vous li dites d'puis des années et qu ale fait toudis as 'mote pasque ché s'mère qui li a appris comme cha, mais que vous messieurs vous dites que dins zin bouillon in met pas d' pétotes pasque cha trouble l' bouillon et qui faut met' du celeri d'dins et que grand mère al' dit ah te fait tchier avec tin celeri...contactez nous"
ouais cha fait ptete un tchiot peu trop précis comme annonce que j attinds mais j' su pret à témoigner
mais heureus'mint hier, Marie Claire quo qu ale a a fait et que j avo rin dit , du pot au feu comme dinch' pas d calais mes gins, pas d' pétote, du cel'ri , et del sauce tomate mi j éto aux zanches
merci cor Marie Claire
Ben j'sus très continte passque j'vas avouer franch'mint que j'a bien bien hésité à faire un pot au feu pour, in peut dire, un jour ed fête . mais plutot que d'faire des trucs alambiqués , cha ch'est un plat qui est resté pour nous les ch'tis synonyme ed diminche et d'jour ed fête , comme el lapin in g'lée et l'tarte au libouli ...........
Et in artreuve comme dit minloute toutes les saveurs, odeurs ed note enfance et in y associe et i armonte plein ed souvenirs, ch'est cha qui est bien aussi