ché arconnu par ché med'cins la fin

j arviens à min sujet su ché lend'mains d' nouvelle année , in avo laissé ch' l homme qui s' levo difficil'mint et qui devo s' préparer pour aller minger à midi chez belle manman ..........

y a du mau à s' préparer ,l' toilette cha a été laborieux, meme qui a eu peur i s éto pas arconnu dins l' glace del sal' ed bains, avec des montanes ed valises sous les ziux, eune haleine ed phoque, les caveux in pétard et un r'gard un tchiot peu vaseux meme qu au début i croyo qui y yavo del buée sul' glache mais qu' aprés i a du ad'mette que ché dins les ziux que chéto cor imbué......

et que vous dire quand qui faut s' pincher en avant pour met' les cauchettes ?
li y voudro printe son timps , meme un tchiot peu s' rapurer , mais nan plus in approche d' l ' heure qu in do partir chez belle manman, plus grand mère al' s enerffe vu l' lenteur que vous mettez pour et' "opérationnel"


bin sur in a dit l' bétisse " mais ché pas la peine ed partir si tot" et là grand mère comme eune furie at crie dins les zoreles, cha ché terripe, et ale dit "TEUT' SOUVIENS PAS QUI FAUT COR PASSER A MON DECH FLEURISTE POUR ACATER DES FLEURS POUR GRAND MERE"

là in baisse l' tiete mais ché pas fini, ale continue " AH SI CHETO T MERE IN S RO DJA PARTI".......

si yavo que grand mère qui s'ro énervé cha iro mais y a cor ché gosses , i saffent que ché l' journée à dringuelles, et qu à midi cha va querre dins leu musettes...

allez in part, et cor faut conduire, printe el' carette , pas rencontrer grand monte sul' route et s' dire " ah i sont heureux ché gins qui ont pas à s' déplacher aujourd hui"
d un aut' coté in s' dit in auro pas invité belle manman au réveillon d' la nouvelle année, ale a pas d humour, pi cha auro été qu' des reflexions du ginre "buvez pas tant , faut m' ram'ner taleure "
alors là si ché pour passer la nouvelle année avec s' belle mère dragon à coté d' ti et que pire aux gendarmes ale est toudis in train d' raviser tin verre et qu ale fait pas cha discret' mint , autant s' sacrifier l' lend'main et aller minger as' mason

cha y est in arriffe al' mason, in s' garre, ché gosses i partirotent à toute blinte à l intérieur, mais quand que grand mère ale dit " eh apportez ch' bouquet à grand mère" bin là i s' battent te pu pour cha, eh des garchons porter des bouquets cha va pu là d'dins !

in rinte , bin sur ch' l homme i reste in r'trait ouais ichi y est pas as' mason y est ché belle manman, pi quand ché t in tour d' t approcher pour faire l' baisse , ale dit "mon dieu qu' vous etes cor mates, zavez pas suché des glachons" , voilà in est rhabillé pour l année ...

aprés que tout l' monte i est arrivé , ché l apéritif , là t in print qu un , grand mere ale t in sert qu un ale a rajouté " un seul cha va vous suffire j' pinse"

ti te dit rin pasque te sait commint cha va continuer, belle manman ale va devoir s occuper du r'pas, et là y a un mystère mes gins, pasque souvint quand qu on a bu l' premier verre in est pas cor bien ,mais eune fo l intrée mingée avec djà un verre ed rosé , bin in in bo un s'cond pendant que belle manman et s' file al' debarassent

et ché cha l' miraque , ché que le stomaque meme si y a cor des sequelles ed la veille, i s' armet in position d' vire dévaler eune paire ed godets
et plus in bo et plus in a l impression qu in arvient à la vie

aut' point mes gins, zavez armarquer grand mère qu ale débarasse l' tape avec s' mère, là ché pu t' femme durant l' repas , ale est arvénue l'file as' mère

in dit souvint ravisse et' belle mère, té vo t' femme dans vingt ans, mi cha comminche à m'faire du souci savez ....

l' repas i suit son cours, nous in est in pleine forme , presque boute en train, meme que grand mère ale jet'ro des zeules courroucés que cha serviro à rin nous in est in forme asteure et ins' vinge del matinée , du voyache in carette, d' l attente en double file pour que grand mère ale acate un bouquet .............

tout i s 'passe bin, et vla qu in arpart, in fait eune baisse à belle manman, in arprint l' volant, tout contint, d abord pasque cha s est bin passé, pi aussi qu' ché fini et qu on rinte à mason
à l arriere d' la carette ché gosses i dorment déjà

et là à chaque coup ché parel, té cro que ché fini et là ti te fait eune faute
té dit " ah chéto bin t'mère" te dis cha in croyant que comme cha ale va faire ouais des' tiete et que ché finit

bin nan , pasque chéto l' phrase qui fallo pas dire, ché comme si t avo appuyé sur un bouton et là grand mère ale dit"NAN MAIS T A PAS VU COMMINT QUE TE T AS CONDUIT! FAIRE CHA AM'MERE, AH SI CHA AVO ETE CHE T'MERE T AURO PAS FAIT TANT D CHICHIS IN ARRIVANT TE TIRO EUNE TRONCHE ED 20 METES !"
alors là ti te fait l' garchon offusqué " OH MAIS SI CHE COMME CHA L ANNEE PROCHAINE J Y VA PAS" teut' dit ale va réponte "bin té viendra pas "

nan mes gins trop fines ché garnoules et al' dit "NAN CHA T ARRING'RO "

et là t as pu qu à t'taire à raviser ché phares d' carettes qui t' precetent à travers les essuie glaces

J'sais djà c'que vous allez dire , minloute y exagère ou minloute du qui va cacher tout cha ?

Mais réflechissez tous un tchiot peu, cha vous s'ro pas nan plus arrivé des carabistoules comme cha ?