Foutez leur la paix , merte ...

ché rare que j' mette des gros mots , mais là j asseume, j' su nin contint et j' va vous expliquer pourquoi ...

Connaissez tous ché corons asteure,Connaissez l' population qui y vit ?

Vous savez tous qui a grinmint d' personnes agées, et qui a grinmint d' veuffes dins l' lot ...

j' sais bin que ché masons i sont pas à elles, que ché grace au traval d' leur homme qu ale peuffent in profiter ...
ALORS I POURROTENT FAIRE PREUFFE ED MANSUETUTE.....

qui ? bin l' société qui a in charge les log'mints des corons, j sais pu si ché cor l' Soginorpa , mais mi j' su outré
j' vous explique, y a un grand plan qui est in route ché d' aménager ché log'mints, et d' les rintes cor plus confortappes
in pourro dire que ché "les rénovations bis" , cha part d un bon sentimint et j' diro meme ed deux bons sentimints

d' abord l' société ale rénoffe ché masons, et ché bien d' rinte plus confortapes les log'mints ,là rin à dire

pour ché gins qui y habitent ché bin aussi, tout y est arfait, l 'isolation, les papiers peints, l' chauffache si i faut rin à dire aussi

par conte ché travaux t a rin à dire , quand qui zont décidé ed commincher là , bin t a pas dro à donner tin avis, j' m esplique
allez faire comprinte à des personnes agées, d' plus d' 80 ans , qui faut quitter leu mason qu ale sont là depuis tant d années , qu in va les déménager, artirer tous leurs meupes, les arloger ailleurs, attinte que ché travaux i soient terminés, réinménager et arprinte eune vie comme avant ?

et quand que j' dis 80 ans j' su gentil, trouvez pas que cha fait beaucoup al' fin des' vie ? in pourro pas les laisser tranquile ? surtout que l' temps , escusez me i va dans l' sens d' la Soginorpa ... , ché personnes agées ale décétent ou ale sont plachées in mason d' retraite

ché sur que ché plus difficile à gérer in s'dijant ,bon y a tel décés, l' mason ale est disponipe et in l arfait ,quite quequ' s' maines aprés canger d' quartier pour attaquer eune aute mason

ché eune révolution pour ché personnes agées, comme si in n avo pas d' respect pour elles, allez dégagez d ichi, vous arviendrez plus tard, et vous plaigniez pas , vous payez pas ch' loyer .......

pour mi j a l impression qui a des drames qui vont avoir lieu, et i n a eune paire qu ale surport' ront pas cha ......

et comme dijo l' canchon "ale a bin travaillé" , ale zont fait ché buées al' main, as' s'ont occupé d' leu infants, laver ché jones dins l' bassine, ayonné ché fourneaux, étindu ch' linche et j in passe

mi j auro un tchiot peu d humanité et ceux qui veulent te pas ché rénovations d'leu vivant , bin in l'fero quand qui s'rotent pu ichi

vraimint, foutez leur la paix , merte ...

j'arjoins minloute j'avos déjà mis un sujet qui s'intitule ché rénovations.
i sont intrin ed' rénover ché mason suh' boulvard Basly "in plein hiver bin sûr" j'ai eune tante qui i reste ed' pis 45 ans i vont l' faire déménager pour rester ale mason d'in face el temps d'arfaire esse sienne et insuite di arfaire faire el sens inverse. ale a 82 ans. j'en' vas pas copier minloute j'ai trop peur qui fout un procès pour plagia. ej va juste te dire quand la connerie dépasse la débilité cha devient grafe surtout venant des soit disant intellectuels(les.)