la piste aux étoiles partie 2
par minloute le, 24/08/2005ouais chéto un rendez vous exceptionnel, faut dire qu à ch' t époque là , in éto pas blasé comme achteure , et qu in avo moins d' programmes à choisir ché pour cha qui avo des speakrines et qu ale pouvottent nous dire l' programme des deux chaines et bientot del troisieme
imaginez achteure l' pauffe speakrine cal devrot dire tous ché programmes du soir ,bin avec ché chaines normales, les chaines du cape, les chaines des sattellites, bin al' comminch'ro s' litanie qu in s'ro vers les coups ed' midi, pi cor faudro pas qu elle s attarte
bon j arviens à la piste aux étoiles , des souv'nirs comme cha , in s installo d' vant ch' poste, comme si in éto au cinéma , i avo l' musique tin tin tin , tin, tin tin , tin
pi in voyo l' chef d' orcheste là haut qui batto l' mesure comme un diape, j' le plains ch' tilale, à toudis tourner l' dos au spectaque i devo pas nin vire beaucoup .... pi y avo note ami ROGER LANZAC , j l a écris tout in majuscule, car quand qui nous parlo, et qui diso "chers petits amis" j éto persuadé qui' m' parlo à mi , i avo eune voix particulière mais chéto not' copain, comme PIERRE TCHIERNA
i avo ché clowns souvint des russes , j avo ker cha mes gins ...tout comme ché anciens qui viennent such' site