cha y est ché fini
par minloute le, 08/01/2010ch' sapin et ché décorations chéto djà ringé, resto l' créche, ouais pitit jésus i attindo ché r'tardataires qui zarivotent d' loin , d' Iran ou d' Irak j' sais pu, cha y est sont arrivés
Melchior , Gaspard et Balthazar , i sont déposés ché présents au pied du p'tit jésus
un peu inquiet pour ch' pitit jesus, j' voudro pas et' al' plache d' Marie pasqu a li a pas cangé ché linches d'puis l' 25 décempe, vinguette cha do finquer .... in éto l' 6
et in a mingé l' quinzieme galette enfin l'jour d' l épiphanie, j' dis enfin , pasque des galettes in n a in vinte depuis la fin novempe
ché vrai ché ché gosses qui poussent al' consommation, allez m'man ché pour l' feffe ..
bin acoutez mes gins , ché bin l' premier coup que cha arriffe depuis in bon momint ché mi qui l a eu, d habitute chéto toudis m' file qui l avo
m' femme al' sert eune part am' file, eune part t auro vu l'taille, un quart del galette, am' mote qu ale auro pris cro plus gros rin que pour avoir les chances ed gagner
quand cha a été min tour, mi qui su pas trop gatiau , à part l' tarte au libouli QUI PARAIT que Marie Claire ale fait bin ..j ai bin dit QUI PARAIT ........ grand mère ale voulo m' donner un gros morciau, ah nan que j a dis te coupe cha in deux
j a vu qu à un momint ch' coutiau y a dérapé et fin' mint grand mère , savez ché femmes ché exceptionnel, ale a réussi à inclure l' feffe dins m' part ...
et là miraque chéto mi qui la eu, meme que m' file ale tiro sin nez, ché bin l'premiere feffe qua li échappe ch't année
alors mi grand prince j l' a élue ma reine ....
eune fo tout ringé , in a été arsortir l' boite qui éto dinch' garache et là in a ringé toute l' famile pour un an , tit jesus , joseph, marie, les bergers , l' batisse (ouais ché eune sorte d ane) , l' minloute (ché eune sorte ed boeuf) , ché brebis, sans oublier ché rois maches et l'dromadaire .........
cha y est y a pu d' traces ed la noel al' mason, ouais tout est rimballé , armis dans du papier journal, eh mi j'tiens à c' qui ale pas trop frod ch' pitit jesus ....