interieur d' mason

d abord té rinte, ch' lit y est là à droite, faut dire vu s' n ache ale peut pu monter in haut, aprés t avinche y a ch' grand buffet du qu in trouffe pele mele des photos in noir et blanc d' militaires, d' communiantes, d infants à la plache, cor plus "vieillottes" ché premieres photos in couleur , sans compter ché photos au polaroïte qu in vo pratiqu'mint plus rin, mais qu à forche d les avoir vues in sait c qui avo sul' photo .........................

in entre directemint dins l' salle à minger , eune tchiote pieche , du qu in vo l'cuisine qui est in fait que l' prolong'mint d'la pieche, cha y est in est déjà au bout del mason

in vo bin qu in peut aller dinch' gardin mais ché pu que d' l'herpe, que voulez vous , vu s' n ache ale va pas faire sin gardin

y a bin 2 hortensias au bord qui attintent patiemmint qui so l été pour fleurir à l ompe del' cloture in bo qui sépare l' gardin del mason à coté

pour l instant ché pas ché vigins qui vont l' géner, l' log'mint à gauche et à droite i sont pas occupés , i devrottent et' aménagés mais ché nin cor l' cas , vu qu in sait pas pourquoi ché zouvriers i vont rattaquer dans eune autre rue

quand qu in dechint toute l' rue du coron , j' me d'minte cor commint qu ale faijo m' mère pour savoir que chéto là l' bonne porte
"dis m'man ché combien sin numéro d' mason ? " " ouh j in sais rin mais in approche" et clac ale trouvo l' bonne porte et pourtant vous l' savez in vo pas l'difference entre eune porte des zouillères et eune aut' porte des zouillères

m' man ale buque al' porte, ale rinte tout d' suite après , in intind eune toute tchiote voix qui dit "rintrez Odette"
faut l' temps aprés que m' mère ale artire sin mantiau , qu ale traverse el'grante pieche et ale s artrouffe, l' aut' dame as' leffe avec sin déambulateur , et sin visache commint qu on pourro dire i exprime que del joie et del gentillesse

ché la gentillesse meme chte Dame, ouais in peut li met' un D majuscule un rayon d' solel d' gentillesse, d' calme et d'reflexion, pasque ché pas pasqu ale sort pu des ' mason depuis d'zannées qu ale connait pas c' qui s'passe dins bruay ni qu ale connot pas ché transformations, les abattaches d' quartiers, les disparitions des rues, ou pire l' disparition des personnes

veuffe comme pas mal ed personnes agées, y a cor des cadres ed photos dins l'salle à minger , au mur y a tous ché souv'nirs ed voyache ed ché zinfants et pitits zinfants , sans oublier l' photo du pape qu ale trone such' frigo , "l' bon pape" y a la cote , ché Jean Paul II, "l' aute" j' sais pas si y est là à mon dem' mère i a dro qu à eune tchiotte photo, "l aute" ché ch' pape in fonction ....

l' caf'tiere ale est prete , m'mère ale va s assire à coté d'elle, l horloche ale égraine tout douch'mint les mineutes

aprés ch ' café in alleume l' télé, in va raviser sans raviser "ché bin quand qui a du patinache..."

such'buffet y a ché boites ed médicamints pretes pour l' soir

in s inquiete te pas pour ch' diner du soir, in m' vient m' faire à minger ....

l'temps i passe tout douch'mint , agrémenté par l' visite des' file ou des ptites files, cha discute de tout , de rien, mais cha permet d'garder ses repères et pas sombrer dans la solitute

tout au bout d eune rue grisse, au fin fond del salle à minger, y a un rayon d' solel qui brille .....