la pêche à la truite dans la lawe

rin qu à vire l' photo et in sachant que sa cha passé vers 1970 ......... j a des frissons

mi j a l' souv'nir qu in pequo des épinoques plus que des truites et j a surtout l' souv'nir que chéto loin d' et' clair l' io del' riviere

faut dire aussi qu' ach' momint là in éto moins exigeant qu achteure, j' me souviens qui y avo des tuyaux in béton qui deversotent d' l io pas bin claire d'dins

sans oublier l' mousse blanque , io d' vaisselle ou autes

chéto à l époque où ché rivieres chéto considéré comme un déversoir ..........

j' m' souviens qu on faijo les cons , faut l' dire ché vrai, quand qu on armonto à vélo en arpartant del piscine grossemy , in récupéro eune paire ed cailloux et in s arreto au niveau dech'pont qui est in bas d' la rue des escaliers

dja in faijo pas d' bruits , in poso ché vélo au coin du qui avo eune plaque commémoratiffe such' mur , in traverso l' rue sans s' faire vire et là in jetto ché cailloux dins l' io, et in arparto sans d'minder nou restes , in les intindo gueuler d in bas, nous in pousso su ché pédales , in allo in direction d' la rue des escaliers, là in bifurquo à gauche, et pas fous nouzautes, in allo pas monter chte rue avé nos vélos al' main, nan in traverso la rue lamendin , savez celle qui déchint d' l hotel de ville dins zin grand virache , in passo d'vant l' café du stop qui a été abattu et là in filo à toute blinte rue wery , savez l' fameusse rue del brasserie , j' dis fameusse pasque avant la guerre y yavo eune mason dinch' te rue du que ché dames ale zétotent dins l' besoin et qu ale zétotent pas farouches non plus .... là au coin d' la rue cail, savez du qui y avo l' tour du moyen ache

Là, in s arreto enfin, in arprenno nos souffles , et in arvivo c' qu on v'no d' viffe , déjà y en avo déjà qui déformottent c qui s éto passé, les plus braffes et gare à ceux qui étotent restés in arriere .... is'faijotent moquer à tous les coups
aprés in arparto vite fait, pasque trainer comme cha , chéto risqué, in savo jamais , i suffiso qui a quéqu un qui nous connaisso et qui auro armonté cha à nos parints du ginre " ouais i trainotent là bo et j' sais pas c'qui faijotent mais chéto pas catholique" ....... eh , in voulo pas s' voir priver d aller à la piscine ...

El café du STOP comme disot minloute, chétot ech' café situé in bas du grand virache in bas d'el rue Lamendin.
combien ed' carettes ont raté ech' virache surtout el sam'di soir pour s'artreuver dins l'cour du café, i a même eu des tués. un cop ech patron i étot intrin ed' lire sin journal dins s' cour i rinte pour aller picher i arsort i avot eune carette qui s'étot invitée, combien ed' cops i a du arfaire faire sin mur.
ché pour cha que ch' bistrot i a été rasé pour pouvoir rectifier el route.