Les jardinsl'ducasse de m'cité
par roger le, 24/08/2005Din m'cité tous les ans vers l'quinze aout i avot l'ducasse, qui durot cinq jours, tout l'monde i l'intindot, oh! i avot pas grand quose, un tiot manège d'autos, un manège d'avions, et un d'chenille, un tir à l'carabine, eun' lot'rie, et eun' barraque à nougat, ch'comité chétot rien qu'des mineurs, des gins de l'cité. I avotes récupéré un vieux barraqu'mint, chétot l'restaurant un i minjo des bonnes frite moules, et i avotes récupéré l'ancienne guinguette de biache St Vaast et i l'avotes armonté à coté de ch'barraqu'mint, et chétot ch'bal, et cha a duré plus trente ans, jusqu'au jour qui zont du fermer ch'barraqu'mint et ch'bal pour cause de sécurité. Et la pu ducasse, et ch'président qui sapp'lot ANICET COPIN i n'est mort l'année d'après, j'ai écrit sin nom un grand, parce que chétot eun' personne bien.
Tous les jours i avot eun' sait quoi,
l'vendredi chétot l'élection de ch'maire, l'sam'di, l'réveil in fanfare, l'diminche l'défilé d'majorettes, lundi réception des anciens, etl'mardi l'interr'mint de l'ducasse, tout l'monde i s'déguisot, et i avotes fait un mannequin rimplit d'paille, et un sprom'not din tout l'cité un quantant, et un dinchant, et après avoir fait l'tour un brulot ch'mannequin un plein milieu de l'ducasse, qu'est ce qu'à sa bien amusé!
et avec chés bénéfices de l'ducasse, à Noël i distribuotes eun' coquille, eun' orange, et eun' boite d'chocolat à chaque infant de l'cité, et mint'nin i na pu rien, et l'cité, elle est bien triste.
