Les jardinsGrenay, école des filles cité 5 1965-66
par Marie-Claire le, 21/01/2010J'a pas core fini ed vider tous mes cartons et ch'matin, surprisse, j'a artreuvé eune photo d'classe que j'cachos edpis plusieurs années ... ale s'étot glichée dins d'autes photos
Ch'étot l'année scolaire du CM2 in 1965-1966 à l'école des filles del cité 5, ou cité Maroc, de Grenay juste à coté ed l'église Saint Louis
D'ailleurs y a quetcosse qui m'arvient asteur et cha s'vot sur el photo, ch'est que l'classe ed CM2 ale étot dins un préfabriqué, alors que toutes les autes classes étotent dins l'batimint principal, ch'étot suremint devenu trop pétit
In ravisant el photo tout m'arvient, l'ambiance, el décor, les liffes, el traval, les bureaux, l'encrier, même les odeurs, les blouses et là cha devot ete la mote des carreaux ... et j'in passe, et os avez vu aussi commint in s'ténot bien toutes parel, les mains à plat sur la table de chaque coté du livre .....
Et in m'plongeant dins l'ambiance del photo j'arrife pas à croire qui s'a passé 44 ans , ch'est gramin quand même et pourtant cha passe tellemint vite !
J' mets el photo et y a au moins eune personne qui vient sur el site et qui devrot s'arconnaite ... là bas du côté d' Vermelles ......
( 1 photos)
