l' café le Terminus
par minloute le, 26/01/2010j'passo d'vant tous les jurs quand que j allo au lycée carnot
yavo ché habitués, des "esportifs" qui aurotent eu du mal d' faire un round dins ché cortes , vu que cha carburo sec djà au matin
j a l'souv'nir in passant , d' in avoir vu in qui avo gardé sin casque sus' tiete et qui buvo sin tchiot ver' d' genieffe
tout cha avant 9h au matin bin sur
sur ché portes y avo toudis d' zaffiches d' combats d' boxe qui allotent avoir lieu , et que j m amuso in ravisant leu tietes su ché affiches d' deviner chti qui allo gagner ...
quand au résultat , pas d' souci, chéto dans la voix du nord d' béthune bruay que t avo l' réseumé du combat eune paire ed jours plus tard ...
à coté du café yavo l' station service du garage Bondues, in face d ailleurs du garache du meme nom.
d' là in avo eune sacrée vue , yavo cor ché grands bureaux juste en face sur la droite
pi, à nos pieds , l'cote des grands bureaux qui meno au centre 'd' bruay
tout au loin in apercevo ché corons alignés d' Divion , sul' colline
mi j'ai connu ech'ti un haut d'ej boul'vard Basly i s'ap'lot comme cha parce que chétot el terminus du car qui faisot el navette intre el 3 et l' Cercle.ej l'ai bien connu parce quand j'armontos à Bruay j'in ai pris des sévères chétot un café ed' pinsionnés tous les soirs i faisotent leur partie ed' carte et l'diminche donner leurs cartons ed' tiercé qu'ej patron allot porter au PMU. dins l' temps cha s'aplot à mo Guéssince ché Mado Daniel p... qui on succédés à leurs parints. i sont artrété ché pinsionnés sont morts .asteur ché des jones l'année passée j'i sus allé boire un verre (té va m' dire nounours à chaque cop que té passe devant un café i faut que té i rinte? ché pas tout à fait cha mais presque) les gins i m' ravisontent d'un drôle d'eule i a fallu qu'ej leur dise que j'étos ni flic, ni étranger que j'étos un ancien du 3 et que j'avos resté dins l' rue ed' Bône pour détinte l'atmosphère d'ech' cop la i m'ont payé un verre.