ch' bos d' Lapugnoy

pour mi ch' bos d' Lapugnoy, in y arrivo in tournant à la volville pour aller in direction du qui a emmaus asteure ....

j a plusieurs souv'nirs de cht indro là , in avo fait un coup eune course d orientation la bo, chéto durant les 10 % , les 10 % ché quand que j éto au ces rostand, in fait i éto prévu qu in consacre 10% du temps , chéto eune semaine pour faire des zactivités différintes avec ché profs environ tous les tros mos

mi j avo ker cha,et j m éto inscrit à eune course d orientation
ché 10 % chéto aussi pour mélinger ché classes, pasque i pouvo y avoir qu un certain pourcentache d eune classe qu ale pouvo faire telle activité à telle heure, chaque activité ale éto prévue eune paire ed coups durant l' semaine pour léser pas personne

donc j éto inscrit al' course d orientation, in avo fait eune fromation avec l' boussole in classe chéto au matin et l aprés midi in faijo l application in réel dinch' bos d' Lapugnoy

i yavo un parcours à faire, des balisses à artrouver , in faijo cha in doublon, un bout d' carte , un itinéraire à suiffe du ginre faut aller nord ouest eune dizaine d 'pas pi aprés à gauche etc
yavo plusieurs parcours mais in fin d' compte in devo arriver tous au meme indrot

cha a bin comminché jusqu à c'que ch' maite i fasse l appel et qui in minquo 2 , y a 2 profs qui sont partis cacher aprés eux , et i les zartrouvottent pas, cha commincho à sintir l' roussi vu qui y avo un car qui devo arriver pour nous zarprinte et qui in minquo 2

c' qui a inquiété ché profs dés l' départ qui manquottent ché que chéto 2 garchons qui étotent plutot prés à faire eune bétisse ou as' faire armarquer

ch' car y a arrivé , nous in a attindu et enfin y un des profs qui les ram'né i faizotent ché cons du qui y avo ch' terril, et là y pouvottent toudis dire qui s étotent perdus, ché profs i les zont pas cru vu que chéto surtout pas dinch' te direction qui fallo aller et que meme i nous avotent dit avant d' commincher à nous éparpiller que chéto surtout pas par là qui fallo aller

bin ché deux agozils i zont réussis à printe des zheures d' colle durant chte s'maine

plus tard in allo au bos d' Lapugnoy , vu qui yavo un parking , que chéto pas près del route, qu in y allo in carette pour commint dire, "explorer l' corps féminin" ouais ché eune belle formule

nous chétot rue philippeville. in sortant du coron i avot el route qui traversot ché camps pour aller ach' pont Lavolleville à droite i a un p'tit quémint ché la qu'on allot. mais ché tout juste si i fallot pas réserver i avo toudis quéqu'un si t' arrivot el premier et un qui s' mettot derrière, et que t'avos fini avant, i te restot qu à patienter mette el chauffache l'hiver et brancher l'auto radio. chétot el bon temps.in écrivant el sujet ej m'aperchoit que cha nous rajeunit pas