Nos terrils

Dans notre région, on parle de nos terrils comme des montagnes noires, qui acquièrent des splendeurs quand elles sont recouvertes de blanc, en hiver, mais sous lesquelles, brûle un coeur de chti généreux comme ses habitants !
Alors, pour vous tous, voici une de mes compositions poétiques (en patois, bin sûr) en hommage à nos montagnes noires !
Je vous en souhaite bonne lecture !

MONTANES NOIRES DE CH' NORD

Ichi, su' les montanes dé ch' Nord,
Pousse toute eunne drôle d' sorte d' flore !
Ichi, tous les terrils dé m' région,
Ont incor' l' coeur bin in fusion !
Ch' n'est pas l' nature qui les a travallé,
Nan, ch'est nos mineurs qui les z'ont érigés,
Pou' laicher, in héritache, à ch' pays intier,
Eunne beauté qui a acquis des sommets !
Comme y z'étôttent noirs, in n' les appréciôt pas,
Mais, avec l' timps, tout ch' carbon mis in tas,
Final'mint, chà fait partie d' not' histoire !
Pis, su' certains terrils, faut l' vire pou' l' croire,
In les a rud'mint aménagés pou' y attirer,
Chés touriss' r'traités, quê'que fôs bin argintés,
Afin qu'y s' crôttent comme dins l' Jura,
Dins les Pyrénnés, dins les Vosches ou in Savoie !
Nos monts noirs n'ont pas vraimint d'appellation,
In les désigne plutôt par d'aut's noms,
Cheux des fosses qui n'existent pus,
Mines d' gaillettes qu' certains n' voulôttent pus !
Dins toute l' région Nord Pas-de-Calais,
Chés terrils, si vous voulez les apprivoiser,
Vont vous raconter l'apogée d' leur épopée,
Y suffit seul'mint d' bin savoir les acouter !
Là,... tindez l'orelle,... vous intindez ch' grésill'mint ?
Ah, mais ch'est qu'y' a incor' dé l' vie d'ssous, là-d'dins !
J' sûs sûre que, comme nous, vous irez,
Un jour, là-bas, tout in haut d' chés terrils,
Pou' admirer l' panorama qui s'étal'ra à vos pieds,
Et vous s'rez fièr(e) d' dire qu'in est bin ichi,
Dins eunne région où chés montanes noires,
Ont façonné un sacré biau et riche territoire !

franch' mint mi j a ker cha , j' su bin incappape d in écrire capio bas