ch' carbon

quand que j vo l' photo qui est in premiere pache, in diro que ché arconstitué, j supposse qui devo i avoir des masons du qu in devo carquer ch' carbon dins des seaux mais am' n avis dins ché mines, in faijo querre cha par ech 'soupirail

in a djà fait pas mal ed sujets là d' sus, que che so l 'qualité du carbon qui éto differente selon que t éto ouvrier, agent d' maitrisse ou ingénieur, pasque dins ch' camion à carbon y yavo plusieurs compartimints et ch' ti qui faiso l' tournée i devo l' faire dans un sens bien déterminé pasque i allo pas faire dévaler du carbon d ingénieur à un ouvrier et vice versa ....

d ailleurs à chaque coup qui v'no pour livrer ch' carbon min père i li d'mindo si i pouvo pas aller vider cha ailleurs et ramn'er l'aute chargement du qu' d' dins y yavo du bo avec ch' carbon

in a djà dit aussi dins ché zautes sujets qui i avo eune préparation a faire dins ché caves, i fallo arcouvrir tout c' qui avo d' dins avec des sacs in toile ed jute vu qu à faire dévaler ch' carbon par l' soupiral cha faijo eune poussiere du diape

souvint aussi ch' carbon in l' travaillo deux coups , un coup pour el' faire dechinte par l' soupiral , pi un tchiot peu plus tard aller dins l' caffe et l armonter sul' coté pour faire un bio tas et pouvoir acceder à la caffe sans s'casser s' guiffe in bas

l' pire pour cha chéto des boulets , là eune fos que cha quéyo au sol cha parto plus loin dins l' caffe que si chéto del gaillette normale

chéto un sacré traval à faire et yavo des gins , d' zartraités ou d' zouvriers qui pour s arrondir les fins d' mos i allotent armonter l' carbon ché les veuffes ou les personnes agées

pi savez l' tout chéto vraimint fini eune fos ch' carbon rintré, armonté ET ch' trottoir nettoyé