humeurs
par minloute le, 25/02/2010j 'su armonté dinch' pas d' calais , alors savez d'puis que j' su pu dins l'région, quand qu on armonte par ichi, on vo des chosses qui vous frappent, ptete aussi pasqu on prind du r'cul, pasqu in vo plus l évolution que quéqu un qui vit sur plache
in sortant du train à Béthune, j' su allé jusqu à l arret d' bus qui in face du qui avo l ancienne gare routiere
faijo cru mes gins in sortant du train, in passant sul' coté du café hotel restaurant qui fait l' coin, j a ravisé à l interieur
eune seule banquette occupée, i éto 8h45 au matin, un coupe d' plus 45 ans i éto assis , l' femme sul' grand coté del' tape, assise l' regard vide d'vant sin café et sul' coté s' n' homme occupé so à lire sin journal ou ptete à préparer sin tiercé , biere d'vant li
j' m a dit dins m' tiete, vinguette del biere à ch' t' heure là , bon j' la fait et j l'a jdà vu quand j éto chtiot ...
pi j' va m'mette à l abri ché l' cas del dire dins l abri bus in verre vu qui yavo un tchiot vint qui piquo, y a eune dame qu ale a v'nu s assire such' banc et ale a sorti d' sin sac eune canette d' biere in fer , savez ché canettes d' 50 cl
là j' m' a dit , boire del biere au matin , faut s accrocher, mais cor ,boire cha dins l' fro, ché graffe
j' savo pas l ache qu ale avo ch'te dame ,ptete 40 ou 60 ans , mais bon , ch' bus y a arrivé, ale a tout juste eu l'temps d' finir s' canette ...
j' monte dinch' bus, et là à l arret suivant, y a eune bande d' jones qui montent, i zallotent à l école , i sont déchindus juste plus haut au niveau du lycée, cha pa empéché l un deux d' sortir cor eune biere d' sin sac , ch' jone i devo avoir 15 16 ans ....
zavez vu ché abords autour des bennes pour récupérer l' verre ? cha bo mes gins pi beaucoup d' bouteles cassées à terre .... j in discuto avec des voisins qui m' disotent qui yavo des familes que ch' budget boissons chéto l' principal et que quand qui zavotent des difficultés pour boucler l' mo question minger, i zétotent pris in charche par les associations ....
pour mi j' sais qui a d' z'abus mais bon si au moins cha peut permette d' sauver des tchiots jones d' la misère , faut certain'mint l' accepter
en arpartant , al' gare d' béthune, j a vu un gars qui devo avoir pas 40 ans , li i sorto régulier'mint eune boutele d' rosé et i buvo cha au goulot , 4 coups in moins d eune heure .......
triste quand meme tout cha , mais quo faire ? j a pas d' solutions
sans et' moralisateur, j' su vraimint inquiet d' vire des chosses qui existotent déjà avant , mais qu in voyo pas comme cha déballé dins la rue
meme si cha peut déringer d' lire un artique comme cha, si j' la écrit ché que cha m a profondémint marqué et inquiété
ech vo que minloute y a decouvert el misère actuelle et l'abondance ed boisson din l'nord il in est étonné mais mi qui traine eme boche din toute la france ech peut y dire que ché partout parel cha s'accompagne souvin d'ine grande misère ché incroyabe el nombre grandissant ed gins su ché trottoirs meme des femmes jeunes, tous les ans j'in vo ed plus in plus mais in est tous impuissants