Corons et cités de Lucie Krawczyk
par minloute le, 27/03/2010tout d' abord et sans aucun' moqu'rie "Krawczyk" ché bin in nom d' ché nous ..................
in a tous cottoyé des Pivowarzik, des Pataniak, des Novak, des Malolespsy, des Wojchékowski, des Paternoga, des Michalak,des Stocki, des Malecki, des Czerniak aussi .................
in dijo bin d' temps in temps "tete d' polak" mais chéto pas méchant , in avo pas grand cosse à leur arprocher, ché l' moins qu on puisse dire
j in a pas connu grinmit d' polonais qui saquottent te pas d 'dins ............ souvint très attentif à l' av'nir d' leux zinfants , i faijotent tout pour qui réussissent , qui zalent eune meilleure vie qu eux, eux qui avotent cor in tiete soit leur arrivée in france, soit l' arrivée d' leux parints .....
j arviens à min sujet, j a beaucoup apprécié ch' poème "Corons et cités" de Lucie Krawczyk
cha m a am'né à pas mal d' reflexions al' vision qu in pouvo avoir des cités et des corons aujourd hui ...............
ché sur que nous quand qu on arvient par chi on a du maux à s artrouver, mais j' la djà dit , nous in a veilli et quand qu on rinte à bruay ou ailleurs , dins nos corons, in voudro secret'mint que là yauro rin qui auro bougé...
artrouver ché gins comme si in les avo quitté hier, cor miu les zartrouver comme avant, artrouver aussi l ambiance qu in a connu dins ché rues, ché zinfants qui juottent au ballon, ché marelles dessinnées al' craie d'vant ché mason, l' io d' vaisselle qui coulo dins ch' caniveau, l' bruit d' la sirene à midi, et ché molettes et les chevalets associés à tous ché terrils par cor arcouverts d' végétation
faut s' met' d in l idée qu à moins d' faire un "parc d attraction avec sin villache d' mineurs typique" , faut ad'mette qu in do abatte des corons intiers
faut ad'mette que l' carbon pour les jeunes générations cha veut pu dire grand cosse et qu in do les imbeter nous ché "viu" à toudis parler du passé ..................
j' pense sincer'mint que c' qui nous interpelle meme si in arriffe pas toudis al' définir, j' rappelle pour nous qu in a parti d ichi , ché qu on trouffe pu un av'nir si évident pour l' région qui pouvo y avoir cor au début des années 60
là tout éto fait , pour et par les Houillères, in allo travailler pour les Houillères , tout éto écrit tout éto tracé et là faut bin avouer qu in vo pas du qu in va ....