faut qu' t alleume ?
par minloute le, 30/03/2010ouais chéto l' phrasse ...faut qu' t alleume ? pour faire 4 metes ? ouais mes gins, rigolez mais chéto 4 metes d' angoisse, d 'peur au vinte..
savez quand que l' nuit ale a tombé et qui faut aller au ouatère et sortir dins l' cour qui a du vint et qui fait nuit .....
ptete qui a quéqu un d' camuché juste aprés au coin del cabane au bois (ouais chéto eune cabane du qu' min père i entreposo sin ptit bois pour alleumer ch' fu)
alors faut qu' t alleume ? ah ouais mi j' préféro , pi ché pas l' tout d aller dins l' cour, fallo ouvrer l' porte des ouateres et qui dit que derriere dinch' noir , y avo pas quéqu un d' camuché ?... mi j' l a cru un bon momint
té rintro t alleumo l' leumiere des ouatères et té tiro tout d' suite ch' vérrou del porte , ouf enfin tranquile ..
enfin tranquile si in veut, pasque i suffiso qu eune fo assis ch' trone , t intinde ch' vint dans les troenes, en fait n importe quel bruit, cha t' rassuro pas ...
alors j' peux vous dire que eune fos l' commission faite , l' chasse art... , mais nan yavo pas d' chasse, ch' broc vidé , bin j' prenno m' respiration , pi j ouvro d un coup ch' verrou, j' fermo l' leumiere, et j ouvro l' porte pour arriver aussi vite qu' possipe dans l' mason
du qu' min père i dijo " té essoufflé ? t as courru ? t as eu peur ? y a que les méchants qui ont peur ..."
bin j'té vos bin rintrant at' maison tout trannant , el peu qu'din l'peur t'avos oublié d'eteinte , fallot qu't'artourne , bin bin