jusqu' à tin service militaire comme ché parti ...
par minloute le, 03/04/2010nan, ché pas comme cha, nan te met tin do au miyeu comme cha, te bloque et quand ché bin serré, te lache té print ch' coté chi , te fait eune boucle pi d' l aute coté té nin arfait eune et là , t as vu minloute ché facile
mouais que je diso
allez à ti d' juer
nan pas comme cha, nan mais ... tiens bin t' boucle quand que té va commincher l' seconte
voilà , cha y est , enfin cha y est , mais tire ed sus au d' liu d' rester comme cha am' raviser ......
voilà ché raté , t arcomminche ........
comme diso l adage, "100 fos sul' métier , t armettra tin ouvrage" mi chéto pas un ouvrache, chéto d' faire mes lacets d' chaussures ..........
allez t arcomminche , allez t oublie pas d' garder l' premiere boucle avant d' faire l' deuxieme .... ah nan , bon allez t arcomminche
et j arcommincho, et j in avo marre , à forche j avo l' guiffe toute rouche à rester comme cha l' tiete in bas pour faire un noeud
et cor un noeud dans les règues, pasque j avo trouvé l' combine, j' faiso un noeud bin serré sans cocarde , j' metto aprés ché bouts d' lacets qui dépassottent dins ché chaussures
bin sur l' soir pour artirer les chaussures chéto pas facile ... j' tiro comme un ébeulé d' sus, et que là m' mère ale arrivo in dijant "allez laisse me faire té in train d abimer ché chaussures , des chaussures ché pas pour rin, in n est pas les rotchilde ichi" et patati et patata..
mi j'dijo rin , du momint que m' mère al' arriffe à m' liberer mes ortiaux ......
alors m' mère ale arcommincho , patiemmint à m expliquer , et mi toudis avec ché memes problèmes d' compréhension ............faut dire que j a jamais été l' roi du traval manuel
bin sur yavo min père qui s in mélo , enfin quand que j' dis qui s in mélo... i avo des phrasses toutes faites , c' que j appelle del marteauthérapie..........
donc j a eu dro à, j' sais pas combien d' coups, "ah té verra , i partira à sin service militaire qui saura pas faire ses lacets" .............
aprés j a évolué, j' dirais pas que j' faijo bin mes lacets , j arrivo au moins à faire eune boucle d un coté et d' l autre cha traino, bon in rintrant al' mason j' me faijo ingueuler les jours d 'pluie avec min lacet qui traino plein d io ..............
fin d' l histoire
pi un jour , j a fait min service militaire , et in arrivant in a fait ché classes et là in avo un sergent d instruction qui éto là pour nous "former" enfin ché l' terme
et j' me souviens eune fo qu in a eu ch' paqu' tache , i a v'nu dins l' chambrée , et i nous a décrit tout c' qui yavo dinsch' paqu'tache , avec les termes exacts la chemisse F1 etc ...et in a arrivé aux rangers et i nous a dit texto " oubliez c' qu in voua a appris ...in fait pas ché lacets comme des gonzesses, l' premier qu' j' vo avec des lacets croisés , j' y fout 3 jours ........"
un bio pied d' nez hein ..