sur ché imaches d' classe
par minloute le, 19/04/2010in a tous connu cha, savez ché zimaches que ch' maite i sorto d un grand carton, qui installo sur un cade , fixé par des pinces in ferale
cha r'présento des grands momints d' l histoire de france
in a tous connu, l' imache avec vercingétorix qui s' rend à césar, que quand té vo l attitute d' vercingétorix té pourro accroire que ché li ch' vainqueur ........
y avo aussi l imache avec charlemane et ché zinfants à l école , jeanne d arc à orléans quand qu as' pinche in arriere qu ale a eune fleche dins ' gougoutte mais qu ale garte toudis l' volonté d' déchinte les anglais quand meme
sans oublier la prise d' la bastille, l' sacre d' napoléon , et bin sur ché poilus dans la tranchée
mais celle que ch' préféro , pasqu ale m' paraisso la plus ridicule ,chéto eune du qu in voyo cugnot sus' machine à vapeur , oh pardon sin "fardier" , ch' t espece d' cocote mineute montée sur un chassis d' carette
su l imache , cugnot i éto pas sur d' li, les mains accrochées ach' volant , les ortiaux presqu in l air, et sin capiau djà près des nuaches , tout cha sur ché pavés bin cahotiques , sans oublier les glaines qui s échapottent d'vint et l' pipette del cocotte qui tourno à plein régime ...................
in tout cas cha m a permis d' pas l oublier , Mr Cugnot et sin fardier ..........