repas d avant , in vrac
par minloute le, 14/06/2010ché en ravisant d anciennes photos , enfin quand que j' dis "anciennes" j avo 10 ans sul' photo, in 1970 , j' sais comme ale dit m' file " ché au temps des chateaux forts et des dragons" ...tout sin père pour s' moquer ...
ché in ravisant d anciennes photos et j' vous invite à faire enquete, ravisez su ché photos d' repas d' communion, d' mariache , d'repas d' famile , ravisez quo qui y a sul' tape et verrez que y a bin des chosses qui ont cangé...
in commincho souvint par un potache , meme y a des coups un bouillon, et l' pire ché quand qui avo d' dins ch' j sais pas commint cha s appelle, mais savez ché comme gluant, in diro qui a des oeufs d' garnoules d' dins ......
oh vinguette j avo oublié ché apéritifs .... pastis, berger blanc, suze, cinzanno, byhrr, banyuls, porto, st raphael, grenache , j' vous parle d un temps que le "ouisky" chéto nin dins les habitutes .........sans parler d' ceux qui comminchottent djà à carburer al' biere
in fait i zavotent pas forchémint tort d' boire tout à la biere, ah ché vrai, cha obligeo plus que z'zautes à s' arléver pour aller picher, mais in plus que d aller picher, cha permetto d' aller printe l air
ouais pasque chéto l époque aussi du qu in finquo sin vergone à tape, pi pas grinmint d' monte i finquo des cigarettes blontes
les cigarettes blontes chéto pour les femmes , chéto nin dans les habitutes ....
ché zommes i finquottent des cigarettes d hommes... du tabac brun : des gauloisses sans filtre, des gitanes, avec filtre, pi les gitanes mais,ché cigarettes toutes jaunes , bon ché vrai y avo quand meme des zhommes qui finquottent des cigarettes blontes, mais chéto nin d' zaméricaines, chéto des boules d or, des saint michel, les femmes elles, l' chic du chic chéto des cigarettes royales, yavo l' paquet rouche, et les zautes , paquet vert , celles au menthol ....
aprés l' soupe avalée, i fallo du bourratif, alors in avo dro so aux bouchées à la reine, so cor pire aux friands, savez plein d' brioche et pas grint mint d' viante à l intérieur , j' vous passe aussi ché tomates creusées du que d'dins y yavo del macédoine ed légueumes ...........
là in avo sorti ché bouteles d' blanc , plus qu asteure, asteure in serviro plus facil' mint un rosé, qu à not' époque ch' vin là chéto considéré comme del pichatte d' baudet ,faut dire aussi que chéto l époque du qui yavo d' sacrés touillaches dinch' vin du coté d' la provence ,et l' rosé chéto considéré comme du vin à touristes ....
yavo pas que du blanc qu in servo, nan ,y yavo aussi del biere, mais là in cangeo d' biere , in prenno del biere d' tappe, del biere en 1 lite, del biere bock ..
alors so t avo dro à ché anciennes bouteles comme l' marque Pélican, avec ch' bouchon in espéce d' bakélite tenu par un systeme in ferale , et que pour garantir que l' boutele ale avo jamais été ouverte avant, yavo comme eune bande d' papier collée par dessus l' fermeture
so t avo dro à eune version plus moderne, avec un bouchon in ferale qui s' visso sul' goulot del boutele d' biere in verre
ah ouais j a oublié d' vous préciser, yavo nin d' bouteles in plastique ach' momint là ....
el truc gluant dont té parles et qu'in faijot souvint avec el bouillon ch'étot el tapioca , ch'est vrai que ch'est espécial ... j'cros bien que cha existe core mais j'a jamais eu invie d'in acater ...
ej voudros juste ajouter eune précision à propos des cigarettes ché femmes i finquotent ds "week End" chéto un paquet qui s'ouvro in deux 10 clopes dins côté et autant ed l'aute.j'en' pinse pas que cha éxiste cor.el paquet si mes souv'irs sont bon chéto eune bordure bleue sur fond blanc.
par Boxerman le, 15/06/2010Bonsoir tertous
Mi j'mé rappelle aussi quand in faijot mariaches ou baptèmes ou communions, in louot un' sale et in prénot "des cuisinières" cht'ot des femmes qui faijotent el cuisine et qui s'occupotent d'ech repas. In connaichot ché cusinières ed bouques à orelles et certaines al zétotes renommées. Tient si in' n'a sur ele site qu'isse reconnaichent, qui nous fassent signe.
din ché apéritifs minloute y a oublié ech principal ech picon qu'in preno mélangé ach vin blanc ou al bière