repas d avant , in vrac cor suite
par minloute le, 15/06/2010j in éto resté au trou normand, alcool fort pour ché zommes, "douceurs" pour ché femmes ceux qui fumotent allumotent ché cigarettes, chéto macao l enfer du jeu ...
et aprés in pouvo attaquer les chosses sérieusses, comme l' gigot ou l' rosbiffe ....... la parel, l' viante d accord mais fallo pas oublier l' saucière mes gins ...... houm, del sauce à verser su ché zaricots blancs, ché peteux ou ché musiciens si vous préférez ....avec ch' persi par d' sus ....
après chéto l' salate , pour faire digérer qu in dijo
pi aprés chéto l' cloche à fromache, avec ch' couteau savez chti qui éto artourné et qui finisso avec deux dints, un coutio à fromache quoi ............ sans oublier ch' ram'quin du qui avo ch' beurre et ch' pitit coutio à bout rond .........
ché vrai qu alors et ché cha qui est bizare , in mingeo moins d' sortes ed fromaches qu asteure : un plateau d' fromache chéto un camembert, un gruyère , eune mimolette, un chevre, et ptete un roquefort et cor pas toujours ...
j avo oublié d' dire qu in avo cangé d' vin rouche entre l' premier plat , l' second et meme dins ché grantes occasions in in arcangeo quand qu in arrivo au fromache ...
chéto l époque qu in faijo moins d' cas ou in connaisso moins , ou alors ch' lobby i éto cor plus fort, mais fallo pas toucher au vin ....enfin y avo aussi ché gins qui comme mi étotent restés fidèle al' biere bock , et j' vous dis cha j' avo 10 12 ans j' buvo del biere à tabe , ché vrai zallez dire ché del' biere à pas beaucoup d' alcool mais quand qu on y pinse ........
là , chéto l' momint du qui avo dinch' repas comme un flot'mint, in cangeo toutes ché assiettes , ché couverts, souvint chéto lavé dins l' foulée par ché femmes, pasque ché zommes i zin profitotent pour commincher à canter des canchons .......
l' temps que ché tchiotes assiettes i zarrifent sul' tape et qu arrive presqu in mem' timps, l' tarte au chuque, au libouli ou aux prones ........
j'rigole tout seu d'vant ches artiques, ch'est tout à fait cha :
M'mère ale faisot partie d'inne équipe d'cuisinières qui faisotent pas mal d'repas d'familes ; ale étot l'seconde del vraie cuisinière : inne dame, j'diros imposante, ale s'appelot Lodie, et mi pour m'faire queques sous j'allos les aider l'matin surtout pour les pluches, mette l'tape et l'soir pour l'vaisselle.
L'matin ch'étot un - mette in route l'bouillon, - deux les salates d'fruits
- trois creuser les fameuses tomates et dins les maisons un peu plus à l'aise côté porte monnaie un mettot du crabe - j'oublios y avot l'sacrée mayonnaise à faire, cha n'existot pas del toute faite.
Et les aller et retour à l'cafe pour mette au frais j'étos d'corvée.
N'oubliez pas qu'dins certaines masons y avot pas d'frigos !
J'étos fatiguée après cha, j'avos 15 ans environ, mais j'étos contente d'avoir un peu d'argent d'poche