repas d avant, in vrac , normal'mint ché la fin ou presque
par minloute le, 19/06/2010qui ché qui veut cor du café ? qu ale dijo l' maitresse ed ' mason.....
yavo bin sur toudis quéqu un qui in voulo, pi un aut' qui au départ in voulo pas pi qu à la fin i in voulo ....
nous ché tchiots in s' faijo pas prier pour avoir l' dro d' aller querre ch' chuque avec l' pince, savez l' pince qui arsemblo al' pinche pour aller querre ch' linche dins l' fond del lessiveusse pour l essorer , quand que Manman ale faijo l' buée ......
in faijo cha tout in tirant l' lanque pour arriver nous, au fond du sucrier ...
et quand que j' vous parle del' pinche à chuque , j' vous parle du modèle l' plus simpe, car aprés y a eu un système bin plus élaboré ...
té devo t'nir l' pinche comme eune seringue , appuyer au bout , cha écarto l' bas comme si cha faijo eune griffe et là té t amuso à aller querre un chuque au fond, bin sur sans renverser hien ...
au momint que l' maitresse ed mason ale passo avec l' caf'tiere , té vo certains hommes qui d'mindotent fort pour avoir du café , et qui pinchottent l' tiete vers l' "serveusse" in d'mindo tout douch'mint si i pouvotent avoir un tchiot coup d' g'nieffe avec, vu qu in pouvo pas laisser ch' café comme cha tout seu, sur eune seule gampe .....
is' méfiotent quand meme , ché zommes, in d'mindant cha que leu garnoules ale les survelent te pas du coin d' l' leule ...
ah elles les connaissotent te bien leu maris , arrivés à eune certaine heure, vu tout c'qui zavotent djà ingurgité l' eule i brillo plus qu à l habitute
pour certains meme, i zavotent l' eule qui brillo bin plus qu' d habitute, et cor quand que j' dis "brillo " j auro du marquer "brayo" , mais chéto pas d' chagrin j' vous rassure, ni d émotions, ou alors l émotion alcooolisée , si vous voyez c' que j' veux dire