l' miracle de '' l'ame des roses''
par minloute le, 23/06/2010l' ame des roses, ché l canchon à m' mère, ché celle là qu ale canto toudis , ché pas eune canchon facile à canter, faut canter haut sans faire ed fausses notes , in plus ché eune canchon qu in pourro dire d un autre age .......
chéto l' canchon à ma Manman.... savez commint cha fait d habitute quand quéqu un i comminche à canter, y a toudis des gins qui parlent et qui acoutent te pas chti qui cante, in fait des "pchitt" pour qui s' taisent
bin j' vous assure et ché vrai qu avec m' mère cha s' passo pas comme cha
au début vu que cha comminche pas fort, in intindo pas m' mère canter , pi rapid' mint tout ceux qui parlotent i s arretotent d eux memes, ché vraimint eune canchon espéciale, et m'mère ale la canto bin, durant toute l' canchon t intindo pu rin , que l' vox d' em mère
j a armarqué cha sur eune vidéo qu in avo tourné en 1995 au restaurant, meme que ché gins assis aux tapes alentours i s arretotent ed minger pour acouter m' mère canter
eune vo presque fragile, in s' dimindo si ale allo réussir à chaque coup à franchir les difficultés de chte canchon avec s' tessiture
chéto cha sin secret, eune vo qui paraissot fragile, j' do avouer , plus chevrotante au fil des ans, mais qui réussisso toudis à interpreter chte canchon ....
En lien les paroles de la chanson "l'âme des roses" paroles de Jacques Lantier
L'âme des roses
marie claire al a tout gaché, j'voulos t'el canter , j'el connos par coeur , et ché in ed' mes préférée , tant pis