le well scotch
par minloute le, 11/07/2010comme j' diso in allo au bistrot ach' Papou , zallez dire mais commint qui pouvottent sortir comme cha du lycée ? bin chéto pas souvint qu in nous d'mindo not' carnet d' correspondance, et l' surveillance al' porte ale éto pas des plus sévères ...ah ché sur yavo des momints du que chéto impossipe d' sortir si in avo eune heure d étute, mais ché comme les bonnes zintentions , cha duro pas si longtemps qu' cha , et in pouvo à nouveau n'in profiter
pasque faut dire que ch' lycée chéto comme l' villache gaulois d astérix, te rimplache ché camps romains tout autour par des bistrots et l' tour y éto joué ...
in allo ach' Papou, mais voyez ,juste au momint du que ché garnoules cha nous a semblé plus interessé que l' championnat d' france ed football ou les pieces détachées d' mobylette , qu in s a dit qu in pouvo pu continuer à aller ach' papou ..............
pasque ché garnoules ale n aurotent te pas allé à mon dech' papou, nan c' qui éto à la mote ach' momint là chéto le well scotch, chéto l' temps du que ché files al' portent in bandouyère des sacs d' classe qui arssemblotent plutot à des sacs d armées, que d' sus ale zavottent déssiné l' signe "pisse" , nan , pas chtilale mais "peace" , voyez c'que j' veux dire ......
in acouto du Génésis, chéto là mote aussi, nous in y avo perdu au niveau del tranquilité par rapport ach' papou, mais que voulez , in suivo nos proies....
Salut minloute,
As tu connu Lucette et Lucien JACQUET, qui ont tenu ce bistrot ??
Ce sont des amis.
Enfin Lucette, qui vit à Saint André. Lucien est décédé en août 2008.
Tch'ao.