les tréteaux de l impasse
par minloute le, 02/08/2010in in parle d' temps en temps del troupe ed théatre que sin nom ché "les tréteaux de l impasse"
j avoue que j avo pas cor été leur rinte visite su l arnitoile
ché fait d' puis hier aprés midi
Connaissez quand meme Bertrand Cocq et Jean Marc Delattre ?
in va dire que ché les plus médiatiques ou les plus médiatisés des tréteaux de l impasse
bin si mes gins ! l' fameusse série des vidéos "In va décoder sec"
ah cha y est ! in' n a qui s'revelent là bo au fond , près du radiateur
y a pas qu eux , mais ché les plus connus
pour l instant , l' activité théatrale ale a l air entre parenthesse
mais y a quand meme un j' sais pas quo qui s' dégage de chte site là
j a eu ker lire l' présentation, intre aute,d' la pieche d' théatre "eine partie d' peque à l ieau" , j'pourro pas m impecher d' vous écrire l' début del présentation del pieche d' théatre
j ouffe les guillemets : "Rien d' tout cha n' sérot arrivé si m' belle mère, au lieu d' mette sin nez dusqu'un tchien i mettrot pas s' queue, alle se serot occupée d' ses affaires"
ché pas bio comme formule cha ? j auro bin voulu in et' l auteur, ché plein d' poésie tout cha ......
alors meme si pour l instant , y a pas l air d avoir d actualités pour l' pieche d' théate , (in tout cas i zont l honnet' té del' mette, i zaurottent pu dire qui zétotent in tournée internationale au japon ou en amérique du sute du qui sont considérés comme des dieux vivants ...in in rigole mais combien d' fos in in intindu cha al' télé ...)
j arviens am' phrase d avant l' parenthesse, alors meme si pour l instant , y a pas l' air d' avoir d actualités pour l' pieche d' théatre, ché vidéos des pieches d' théates juées ale sont in vente su leu site
....
i dot y avoir à ce jour 37 vidéos de "in va décoder sec" , d'inviron tros minutes chacune, allez in vire eune ed temps in temps, j'vous promets que vous allez passer des bons momints
vous les treuverez sur dailymotion, j'vous mets el lien del première page, y a 2 pages
http://www.dailymotion.com/relevance/search/decoder+sec/1