la peur de la page blanche
par minloute le, 03/08/2010mi aussi Jean Marc, j a eu souvint l' sentimint d avoir fait l' tour d' mes souv'nirs , de m' dire "mais quo que j' pourro cor m arsouv'nir"....
faut dire aussi que ché fait depuis 2005 qu in écume nos souv'nirs
au début , j' metto souvint 10 sujets par jour, asteure l' rythme i s a ralenti ...
y a meme des coups où on est in panne complet , et là André i vient nous mette en doublon un sujet qui a mis su' sin blog
j' vous dirais comme d habitute, et cha s' confirme à chaque coup que j' va vire sin blog et ses photos, que sin blog à André (le blog d' André de Marles) , il est exceptionnel et que cha va devenir eune référence pour l' souv'nir d' l activité miniere dins not' région
Et souvint j' me dis , vinguette André , du qui a été dégotter ch'te photo , qu ale est digne ed faire un fond d écran
quo qu on fait nous tous qu in fait des blogs ou des sites such' bassin minier, bin in apporte chacun as' mote, chacun avec ses sentimints et s' personnalité , eune pierre à l édifice du souv'nir de notre région
si plus tard y a des gins qui vont étudier chte révolution industrielle d' l activité houillère dins l' région , i leu faudra tout autant l' précision de sites comme l' blog d ' André du que là ché du précis d' chez précis et que cha évoque l activité miniere propremint dite ...mais faudra aussi histoires de chtis avec s' n approche j' diro plus "humaine" , qui raconte surtout la vie quotidienne qui tourno autour des puits (gardins, commerces, buées, corons, etc...)
pi ya pas qu' nous comme sites, ché tous insempes, non pas en concurrent, mais tous insempes qu in va mailler l' vision la plus fidèle , la plus complète d' la conquéte du carbon dins no région
plus l' temps i passe, plus c' qu in a recueilli, va passer du simple souvenir à l histoire avec un petit h
mais savez la grande histoire ale est faite de miyiers de tchiotes histoires qui peuvent paraite banales , mais qui, bout à bout , forme la grante histoire
le temps presse, et j' vo quequ' fos sur facebook, des gins qui mettent des photos d' leu jeunesse, des photos qui valent d' l or pour mi, enfin quand que j' dis pour mi, ché pour l histoire qu ale sont importantes
que che soit eune fete du que tout l' monte y danse dins l' rue ou l' rintrée du carbon, photos anodites pour certains qui pourtant leffent un voile su not' passé
j' diro , si zavez des photos comme cha dins les tiroirs, publiez les, divulguez les au plus grand nompe par internet, que ce cho ici sur histoires de chtis ou su un aut' site , l' important ché d'pas laisser tomber cha in désuétute
cha ché pour les photos, mais y a aussi et surtout ,l' témoiniache des derniers mineurs
pour certains chéto eune activité normale qui avo pas b'soin d ete racontée, et pourtant comme j'diso souvint, eune personne qu ale meurt ché toudis eune bibliothéque à souv'nirs qui brule ........
vla pour quoi in a fait l' site, aussi pour armette à l honneur l' travail ou plutot l' sacrifice de plusieurs générations d' travailleurs qui ont pas grinmint profiter d' l' artraite
zetes ichi nombreux à avoir eu des parints , des grands parints, des mononques, des voisins qui sont déchindus al' fosse au fond et qui sont armontés plus vite que prévu au ciel ...
in a tous l' souv'nir d' leu fin d' vie , tchiot paquet d'chairs rabougri au fond d un fauteule d'venu trop grand pour eux ...................
ché pour tout cha qu in a fait l' site, mi j a ker l' coté , j' diro "fourre tout" y a d' tout , ché varié , cha fait souvint appel aux souv'nirs communs à tertousse , cha donne aussi un tchiot peu d' bonheur à certains , et tout cha in hommache non pas au traval réalisé,mais surtout à leu couraches, à des vies passées au fond , que j' sais pas si aujourd hui in iro à leu plache...
Salut Minloute et salut Nounours.
Vin nom, vous m'avez foutu un sacré coup au moral. J'vous sin triste et ému al fo. r'prénez vous mes gins. Ché vrai qu'un n'a pu grand causse à r'monter à l'surface mais y faut s'ar crinquer. Aussi, y'avo un truc qu'éto pas mal sur ech site chéto avis d'recherches. Mi cha ma permis ed trover Daniel Poauqte qu'éto boutefeu à l'fosse 3 avec min grand père maternel et qui avo été mineur avec min grand père paternel. Ché grace à vos ote que j'a fait chette connaissanche et j'peux vous dire que cha fait caud à sin coeur. Mi j'pinse que cha vaudro l'cou d'ar prindre esse système. Mais ché m'simple idée.
Allons mais qu'est c'que ch'est ? Minloute et Nounours in s'débale
N'vous laichez pas aller à l'mélancolie Nous les lecteurs in est trop contints d'vous lire
Mi que j'déprime j'ai trop b'soin d'vous auts , et i n'in minque pas qui sont comme mi
Aucor merci pou les bons momints qu'vous nous faites passer
Jean
ché pas del mélancolie, ptete que ché la reprisse du titre "ché la fin " qui vous fait dire cha, nan ch est eune réalité que l' "inspiration" aussi se tarit , mais in évoluera quand meme , et pi y a eune formidape "bibliotheque" d' sujets déjà parus
quant à avis de recherche, in n' a djà parlé Patrick, mi j 'su archi contre faire un forum , ché un choix , cha a des bons cotés, comme la convivialité ou les retrouvailles
mais croyez me, cat échaudé craint l io froite, si faut passer son temps à supprimer des avis quequ' fos racistes, injurieux qui un jour ou l autre apparaissent au coin d eune conversation ...in a vu cha sur d autes sites, mi j a pas invie d' passer min temps à controler tout débordemint à postériori
des débordemints ché aussi, certains qui ont pris avis de recherche pour donner des nouvelles d' dédé et qui oublie pas d' printe ch' pain en rintrant du traval, j exagère à peine ....
j a pas invie d' moraliser , d' faire des rappels à l ordre, in a décidé avec marie claire d' tout bloquer au départ , tout c' qui est publié y est ravisé au départ
pasque pour nous aussi faut qu histoires de chtis cha reste ludique
quand j'ai écrit el sujet si j'avos sus que j'auros sapé el moral à certaines personnes ej l'auros pas mis.chéto juste un remercimint que j' voulo adresser aux webmasters.mi aussi j'avos quer avis ed recherche mais bon ché comme cha. j'ai vu des dérapaches sur un aute site que j'en nommerais pas comme un c.. j'i sus allé foute min grain ed sel par des propos assez violent pour claquer el bec à certaines personnes j'em sus fait exclure. ech' jour la min dogt i a dépassé em' pensée. té va dire: "nounours té méchant"? nan esse sus un pacifiste. cha fait trente ans ans qu'ej fait el guignol sur les scènes ed France et d' Navarre comme musicien et DJ mais des fos j'étos oripilé.
PS: si vous etes saches ej vous racont'rais queques anecdotes quand j'étos DJ.j'ai arrêté i a un an.el der cha été ale salle Damiens à Bruay pour les quarante ans d'eune de mes cousines au mos ed mars ché été la cata.(j'in ai pris plein la gueule pour pas un rond).et chéto pas d'em faute.quand té 500 bornes pour animer eune soiré ed soit diiant 100 personnes sans ed faire payer et qui un a que...18 et que té t'fait "incendier"parce qu'à 4 t'r' heure du mat' té rimballe parce 2 heures après tin ar prins la route pour armonter à Paris ché grafe.et aussi i faut savoir tourner el pache et passer à aute cosse la vie est trop courte pour commint dire toudis faire el meme cosse.