dans et autour d' l assiette : l arrivée du plastique
par minloute le, 10/08/2010j allo oublier ch' dessous d' plat in formica bleu clair sul dessus, ch' formica collé su un morciau d' bo lamellé collé , preuffe qu in lésino pas à l époque sul' qualité, et qu in d'sous y avo quat' patins in caoutchouc
le formica, ah pour les plus jones , cha prétero presque à sourire , bien que , effet de mode , cha devient quitche comme i dissent d ' posseder un meube en formica
mais à not' époque vers 1960 1965 , chéto l ère du tout plastique et de l arrivée de l electro ménager ...
toutes ché publicités chéto du genre " vous madame, acatez chi , acatez cha, cha va vous faciliter vot' vie quotidienne" l un des premiers achats chéto le frigidaire qui rimplacho avantageus' mint le garde manger souvint bricolé , fait d' bouts d' bos et d' grillache à poule et qui éto remisé al' caffe
alors que le frigidaire i trono dins l' cuisine
pas question pour nous ché zinfants d ouvrer l' frigidaire, l' froid i pouvo partir
in éto très prudent ach' momint là, pi in avo peur d' casser ché bios joujous là , vu que cha couto quand meme un bras au départ
(ché comme quand qui fallo canger l' luminosité ou l' son del télé, chéto sous la responsabilité des parints)
et d' pouvoir ouvrer tout seu l' frigidaire ou alleumer l' télé, chéto comme un rite qui vous faizo passer du statut d infant à chti d ' jone adolescent , meme si ché boutons d acnée i zétotent pas cor arrivés
le tout plastique, d un seul coup eune sacrée révolution, chéto presque arrivé à tout transformer in plastique
cha avo ses avantaches, comme ch' seaux, ché brocs, chéto bin plus léger
allez al' férale, tous ché ustensiles bin trop lourds, enfin dinsl' publicité , pasqu i n avotent pas busiés ché gins d' paris qu ichi in avo du maux à j'ter, et ché seaux et brocs, cha finisso s' vie dinch' gardin, pour arroser ché routes d' salates ou d' porions
l' plastique chéto plus léger ,et grace à li cha a am'né del' couleur dins l' cuisine
ché toiles cirées bin plus colorées que ché nappes in coton, y avo j' sais pu commint qu on appelo cha, eune espece d égoutte vaisselle qu in metto sul' coté du lévier
in pouvo i mette à séquir les assiettes vertical'mint, y avo un aut' endro du qu on pouvo y mette ché couverts à séquir par sorte
et in d'sous d' l égoutte vaisselle, y avo comme un d'sous d' plat in plastique pour récupérer l io du rinchage del vaisselle
l' arrivée du plastique , sous toutes ché formes chéto l' signe visipe du progrès , et posseder l' ensempe ; buffet + tape + caielles arvétues d' formica chéto l' signe del modernité
pour les choix d' couleurs , chéto souvint un bleu très pale , j a vu aussi du rouche, du crème aussi mais pas dans les memes proportions
et such' buffet in formica , comble d' tout, in y poso ch' transistor , qui rimplacho ch' grand poste à galene .....
chéto le somome d' la modernité, in auro pas pu pinser ach' momint là que moins d' 10 ans aprés , y allo avoir l' premier choc pétrolier
des slogans du ginre "in a pas d' pétrole mais in a des idées" ......et d' l inflation à tout va
ché un peu comme asteure, in s a pris un coup dans les niflettes quand qu on s a appercu que des décisions prisses à un bout du globe, cha pouvo faire boule ed neiche et v'nir boul'verser notre confort et la vision d un progrès toudis progressif
cha a fait du maux quand qu on a intindu parler l' premier coup d' restrictions et de recessions
et là in s a rindu compte que l' plastique chéto bin mais que chéto fait avec du pétrole ,et que chéto pu si bon marché qu' cha ..........