souvenirs d'écolier suite et fin
par nounours-94 le, 28/08/2010ej sus rintré in CP à l'ache ed 5 ans commint j'ai appris à lire et à écrire? excusez me j'in ai pus aucune souvenance presque 47 années sont passée par la. tout c'que j'em souviens ché d' min premier cahier à 2 lignes. insuite el CP2 el CE1 ché la qu'on a eu nos premiers lifes ed géo , d'histoire, ed grammaire , el becherelle ed conjugaison (cha ché pour minloute j'ai vu qui savot pus conjuguer un verpe) , el rintée des classes, chéto à 9h à 9h moins l' quart au cop ed sifflet du dirlo i fallo s'mette in rang devant not' classe et attinte que ch' maite nous face rinter. et les cours i queminchotent, et la fin du mos chéto les compositions pour que ch' maite sache si t'avo bien travaillé et bien fait tes devoirs et appris té el soir in rintrant ed l'école.
à 10h30 et 3h30 chéto l' récré.i avo les jeux à la mote du momint chéto les osselets,les billes et bisquaiens les parties foot ou juer à la guerre in n'écarto nos bras et nos mains pour imiter les avions. j'avo oublier i avo ché cahiers Jean Bart avec ché tables ed d'additions,ed multiplications,ed soustractions, et ed divisions, nos trousses et les plumiers té t'rappelle el boite in bos avec qu'el languette qui servo à mette nos crayons ed bos ou nos porte plumes? bin ouais dins ch' temps la in avo pas l' dro d'écrire avec un stylo à bille..
voilà em' case à souv'nitrs d'écolier est épuisé.j'auro pus continuer sur em n'année à Carnot et mes deux ans à Rostand mais j'ai pas grand cosse à raconter ej laisse el soin à minloute ed printe el relais.
juste une dernière chose à Félix Faure les cabinets et urinoirs i z'étotent situés dins l'préau et des fos i avo un tiot pour picher au lieu ed déboutonner esse braguette i baisso carrémint sin pantalon et sin slip et i avo toudis un gamin pour alerter les élèfes qui étotent ale récré pour aller raviser cha n'avo rien ed sexuel pour nous un zizi in savo pon cor que cha pouvo servir à aute que pour picher.pour nous eune garnoule cha v' no au monte dins eune rose un garchon dins un chou
voilà ech' cop chi ché fini.
si j'ai pus raviver des sov'nirs j'aurai pas perdu min temps et cha m' f'ra plaisir.à l'heure qu'ej va invoyer el sujet i va ete 10h du mat' ej l'ai queminché à ...8h parce qu'à fur et à m' mesure que j'écris les souv'nirs m'arviennent alors comme d'ab' ej' fait des rajouts et des corrections et ej sus allé sortir min quien i brayot ale porte et cha permet de revisionner el texte avant ed l'invoyer.
j'ai toudis un pinchemint au coeur quand j'arrife à la fin ed l'histoire parce que quand j'écris mes souv'nirs j'arvo les imaches.
té va m' dire té un nostalgique jean marc,qui ché qui l'est pas?