ch' Bled

drole d' nom pour un liffe d école qui a martyrisé des générations et des générations d'jones écoliers

Rin qu à intinte ch' maite dire "sortez vot' Bled" , in allo tous l' cacher au fond du cartappe avec fatalité

Pasque ch' Bled , chéto un liffe du qui nous appreno l' grammaire et l' conjugaison des verpes .......

Fallo pas y cacher eune photo ou un dessin au détour d eune page, cha auro pu nous armonter l' moral in l' feuilletant ...nan...

Chéto d eune présentation spartiate, monotone , mais terriblement efficace .....

un titre, l' explication d' la leçon, quelques exemples, pi eune floppée d 'exercices .....

pour ech' maite chéto tout gagnant, l' lechon à apprinte, bin t avo qu à apprinte l' résumé du Bled

donner des exercices, facile aussi pour li , i nous dijo "prennez vot' cahier d' texte" et là i s' pourléquo , "alors vous f'rez page 59, l'exercice 1, 2 , 5.." et cha s arreto pas, nous in s' dijo "bon i va s arreter ch' maite , pasque ché vite fait à écrire les exercices, mais aprés faut les faire"
chéto bin fait faut dire ché exercices , chéto des phrases du qui minquo soit l'terminaison des verpes, des participes passés ouh la la, j' vous vois raviser au plafond..... ou alors chéto "mette ch' te phrasse au passé antérieur , au minloute (ouais ché l' aute nom du plus que parfait) etc etc

l' participe passé, é ou ée ou és ou ées ou er , cha faijo eune paire d' choix et y a des coups in machuquo un bon momint sin crayon d' bo avant d' mette l' "bonne " solution ......

à croire qui doivent pu étudier avec ch' liffe là pasque y a qu à vire su ché forums d internet, i a d' quo s artourner dans s' tompe Monsieur Bled

ouais Bled , ché l' nom del personne qui a concocté ch' liffe, quand que j éto tchiot l imagino comme un méchant chtilale, comme un sadique , que plaiji mais alors que plaiji i avo d' savoir qu in allo ét' des générations à apprinte par coeur ses leçons, à passer un temps infini à essayer d' pas faire ed fautes dins ché exercices ...

pour mi chéto un sombre personnache, qui devo et' intouchape vu les diplomes qui avo et qui étotent étalés sous sin nom au début du liffe

l' participe passé, in a eu vraimint du maux, pi un jour ché min instituteux d' Loubet, Mr Pruvost, qui avo trouvé un truc pour qu on comprenne ché épithetes et ché attributs .... i avo fait un dessin au tableau , y avo eune cloture d' dessiné, pi un veau d' chaque coté del cloture , pi d un coté i avo mis eune vaque

sachez mes gins que quand ché un épithete cha print l' accord, pasque ché comme l' veau et l' vaque, l' veau i print tout ch' lait d' la mère (qui comparo au verpe ) et pi i téte (épithète)
tandis qu' l aute , qui éto tout seu d' l'aut'coté del barriere i évo pas dro au lait des' mère alors i s accordo pas .....
méthote ptete tirée par les caveux mais que j a artenu, enfin en régue générale , pasque y a des coups in peut aussi faire des erreurs

chéto aussi la preuffe que ché zinstituteux i s'contentotent te pas malgré c' que j' dijo plus haut, d' nous faire apprinte par coeur l' leçon du Bled sans qu in comprenne un tchiot peu d' quo cha artourno

mais savez quand qu on a 10 ans , qui faut apprinte les "ou est donc or ni car" , apprinte aussi les zexceptions "hibou, chou, caillou .." "un ail , des aulx", la cuiller ou la cuillère etc etc
ins 'demindo aussi si zavotent pas voulu d' exprèt compliquer l' lanque française ....

in dijo un cheval , des chevaux , alors que dins ch' patois in dijo un bidet et des bidets ,ché quand meme pu simpe nan ......

j' vous mets in pieces jointes des photos du fameux Bled

personnel'mint mi j a eu un Bled avec eune couverture blanche

ce sont des photos envoyées par Bernard Urbaczka

Mais quel artiste ce "minloute" pour sortir trois pages sur le BLED!! il est vrai qu'il faisait partie de la "carnasse" comme le plumier et le sac de billes .
Mais à lire "minloute" me revienne ces mots atroces: adjectif,attribut ; épithète, adverbes!! qui de nous saurait énoncer la définition de ces mots qui nous on tant fais 'suer' et les temps!!!! conditionnel, présent, futur antérieur, subjonctif, la forme passive, ou impersonnelle , les pronoms relatifs!!!stop n'en jetons plus ! la cour est pleine!!!!
c'est vrai lorsque l'on lit certains commentaires on a des doutes sur les capacités du commentateur sur sa maitrise de l'orthographe et de la grammaire!! mais je ne suis pas moi même une lumière mais force est de constater , à ma grande honte, les fautes mais quand je lis mon texte sur un blog!!!! il est trop tard pour corriger car on tape sur le clavier sans regarder l'ècran! on ne se relit pas!!! et c'est la le défaut majeur de tous ceux qui envoient des commentaires!! surtout quand, par inadvertance on appuie sur la touche 'envoyer' , je suis sur que même ceux qui écrivent des petits poèmes, leur premier souci est la rime car ça ne doit pas siffler à l'oreille!!!
oui sacré BLED!!! mais utilisons nous vraiment ce du pourquoi tu nous faisais trembler. Maintenant ; seulement quand on doit faire une lettre administrative (j'ai l'honneur de vous écrire.....) seulement à ce moment là on cherche ses mots et les verbes à utiliser pour ne pas passer pour un "GLOGLO"
merci pour ces rappels minloute

Bonjour tertous
une pétite précision. Ech' BLED y'existe toudis. j'l'ai vu hier in vinte din z'in supermarché. A côté y'avot Ch'becherelle.