histoires-de-chtis® depuis le 20 février 2005

 

 

Les 60 dernières histoires


  PEQUE A SAINT VALERY partie 2 (07/08/2020)
  PEQUE A SAINT VALERY 1ere partie (04/08/2020)
  Cocu (03/08/2020)
  LES COUPS (31/07/2020)
  Bruay en Artois 1935 (26/07/2020)
  bibilolo de Saint Malo (26/07/2020)
  VOYETTES partie 2 (23/07/2020)
  VOYETTES partie 1 (20/07/2020)
  EPILOGUE : LES COMMERCANTS (08/07/2020)
  PARFUMERIE DELERCE (02/07/2020)
  Jacqueline la bienfaitrice (28/06/2020)
  VETEMENTS MARCHAND FRERES (26/06/2020)
  LE CINÉMA CASINO (22/06/2020)
  IN ARRIVANT AU CERCLE (19/06/2020)
  cha a bien cangé (16/06/2020)
  DU BALATUM OU DU LINO (13/06/2020)
  IN VA CANGER L TAPISSERIE (08/06/2020)
  DERNIERS COMMERCANTS AVANT LE LYCEE (01/06/2020)
  LIBRAIRIE POINT VIRGULE (28/05/2020)
  VERMELLE et DUCOURANT (23/05/2020)
  El doctor et s'passiente (20/05/2020)
  PATISSERIE BOUCLY (19/05/2020)
  Sujet fille de : retour de Merlimont 72 fin (11/05/2020)
  El confinemint (10/05/2020)
  retour Merlimont fin aout 1972 fin (09/05/2020)
  retour Merlimont fin aout 1972 (09/05/2020)
  100 ZARTIQUES (02/05/2020)
  siffler ou siffloter ? (26/04/2020)
  La lampe au chapeau (23/04/2020)
  MEDICAMINTS D AVANT partie 2 (22/04/2020)
  la télé et le confinache ... (22/04/2020)
  Abalourd a les pieds lourds (18/04/2020)
  ch' confinache (15/04/2020)
  PHARMACIE DUBOIS (14/04/2020)
  CONFINACHE (08/04/2020)
  Quo qu in mingeot dins ches corons partie 2 (04/04/2020)
  Quo qu in mingeot dins ches corons partie 1 (31/03/2020)
  asquident à mobylette (30/03/2020)
  à vos masons (29/03/2020)
  UN VIUX pinsées filozofiques (25/03/2020)
  BOITE A TOUBAQUE (23/03/2020)
  BRIQUETS (20/03/2020)
  TINCHON quincaillerie (11/03/2020)
  SPAR INGELAERE le billet a commissions (04/03/2020)
  LEROY Tissus et Rideaux (29/02/2020)
  Précisions concernant des messages trouvés dans le livre d'or (25/02/2020)
  i vont arvenir ch'est sur .... (23/02/2020)
  CHALMIN (22/02/2020)
  un joyeux anniversaire (20/02/2020)
  les 15 ans du site suite (19/02/2020)
  LES 15 ANS DU SITE ! (19/02/2020)
  L'églisse ed Berlancourt (14/02/2020)
  30 ans de mariage ... (09/02/2020)
  AUTOS NOREV ET BAIN DU SAMEDI (09/02/2020)
  UN CORDONNIER D L ANCIEN TEMPS (05/02/2020)
  LA GOURMETTE EN ARGENT (03/02/2020)
  Merlimont sous la pluie fin (02/02/2020)
  Merlimont sous la pluie 3 (02/02/2020)
  Merlimont sous la pluie 2 (02/02/2020)
  Merlimont sous la pluie 1 (02/02/2020)

Vos histoires


Proposer un article

Livre d'or


Ecrire dans le livre d'or
Lire les messages du livre d'or

Derniers messages :


 mememarie ( 02/08/2020)
Bonjour, Je découvr...
 Drit79 ( 08/02/2019)
Mon dernier écrit ic...
 michel.gervois@neuf.fr ( 07/10/2018)
Bonjour à tous les B...
 dufossez jean ( 24/09/2018)
Bonjour les potes J...
 bob 38 ( 22/09/2018)
Bonjour a tous , chu...


Liens
Histoires de chtis sur votre site
un son ... et l'rue leverrier
par minloute le, 02/09/2010  

j viens d' trouver sur le site deezer, l album de Fernand Deroussen , 70 chants d oiseaux du jardin

j a musardé hier in acoutant ché sons d osiaux, pi j' su tombé sur l ' alouette des champs

j a été d un coup, commint qui disottent dins ch' feuilleton , ah ouais, j a été téléporté, j' diro meme catapulté dins ch' passé , pour m artrouver assis au bord du gardin qu' min père i cultivo au bout d' la rue Leverrier

j' les ai tous vu travailler , chacun dins s' parcelle, in silence, l' dos courbé, monsieur Boulevin, monsieur Godet , au d' sus du gardin d' min père, et monsieur Brogniart plus bas, al' limite del' bosse du que l' terrain i ardéchint vers la rue verte , j' parle pas du "gardin" d un aute du qu' ché porions i montotent in graines , que ché choux i zétotent la nourriture des limaces, mais comme in dijo ichi, commint veux tu qu' sin gardin i so t'nu alors qu as' mason ché tuyau d' poele ......
quand que j' déchindo apporter à min père s' musette pour sin quatre heures , quand que j' passo d'vant chaque monsieur , j' crio bin fort "bonjour monsieur" , i m' répondotent in l' vant l' bras nonchalemment , ou i répondotent pas, in' n avo qui étotent un peu dur d orele....
mais chéto l' premiere chosse qu' min père i m' demindo in arrivant " t a bien dit bonjour in passant ?" in rigolo pas avec cha à ch' t époque là .....

in s asseyo alors avec min père et i coupo des tranches d' pomme et j éto fier d in minger eune paire avec li

mais mi ché au matin que j avo ker y aller, quand qui faijo solel mais pas trop caud

j' les vo tous travailler , l' dos courbé, in voyo qu' leu dos, d' temps en temps i s ardressottent , i zin prennotent chinq comme on dit , pi i ravisottent autour d eux, monsieur Boulevin i in profito pour s' faire eune roulée avec sin tabac "l' broutteux", i l alleumo cha faijo eune bonne flamme
ché pas pour cha qui auro quitté sin gardin pour faire l' causette, nan in fait i s' parlotent te pas beaucoup sauf quand qui zavotent terminé leu traval et qui z armontotent

ou alors fallo qui travale près, l un d' l aute

y a des coups té le voyo armonter insempe, et traverser l' rue leverrier à deux voir trois brouettes d' front .....faut dire aussi qu' la rue leverrier chéto un cul d' sac et qui avo pratiqu'mint des masons que d un coté del rue, d' l aute coté chéto eune pature laissée in friche, chéto not' territoire à nous ché jones , aprés yavo un grand champ qui éto cultivé et au bout del rue , ché garaches
asteure , y a pu grinmint d' jardiniers d' l époque qui sont cor vivants
cha fait un momint que monsieur Boulevin et monsieur Gaudet et min père i sont pu là , in m a dit que monsieur Brogniart i éto décédé ......

Dins l' rue , y a pu grand monte que j' conno, y a bin Emile qu' André i conno , mais i sort pu grinmint de s' mason , i a plus d' 90 ans ch' t homme
eune aute do cor vive recluse, ale sort pu aprés y a pu grand monte que j conno
i reste cor quequ' familes que j a connu mais qui étotent arrivées un peu plus tard que ch' "noyau dur" del rue , juste avant 1970, zallez dire cha fait quand meme 40 ans qui sont là .......
c' qui fait drole ché quand té passe dins l' rue , et qu' té vo quéqu un qu' té conno pas qui sort d eune maison que ti t a connu ché gins avant
tel' ravisse un peu bizar'mint, l aute i do s' dire mais quo qui a am' raviser comme cha ? et nous in poursuit sin ch' min
faut dire aussi , qui a beaucoup des gins del rue qui étotent arrivés ichi entre 1945 et 1950, i zétotent presque tous du meme ache à 10 ans près

pi eune constation, in arriffe plus vite au bout del rue que quand qu on éto jone, in pourro dire qu in a grandi, et qu in fait des pas plus grands, ché normal
y a aussi que not' vision d infance ale est plus la meme qu asteure
in arrivant au bout del rue, in vo que d' ché gardins y a pu rin , vu qui zont contruits des masons al' plache

que dire si in passe derriere ché masons d' la rue leverrier, y a pu d' gardins , ché d' l herpe, y a bin un ch' min qui s a fait qui coupe les anciennes routes d' carottes, teut' dit bin vinguette si monsieur untel i éto cor là qui verro cha i s' ro malate
et que dire des gardins collés aux masons, au miu ché del pelousse avec un chalet in plastique multicolore dans un coin, au moins teut' dit cha do et' des jones qui habitent ichi, ou ché des personnes qui ont des tchiots infants
y a bin deux trois sapins qui ont atteint l' taille adulte, souv'nir d un ancien Noel du qui a été décidé certain'mint pour faire plaiji à un infant de l' planter dins ch' gardin .......

j' les vo aussi chez hommes dins leu gardins , d'mindez pas à raviser commint ché d'venu , cha vous f'ro du maux ..

j' vous parle pas des commerces del rue anatole france qui a asteure eune boulangerie à un bout et eune phramacie à l aute bout , pi au miyeu pu rin ,qu ' des vitrines du que d'vant in a mis un rideau , point final

as' deminder un peu comme Nounours i l' arsint quand qu on qui artourne au numéro 3 sin quartier si in comminche pas à et' d' trop , ou plutot qu in trouve pu ichi not' plache , nous les "expatriés" .... in a bien cor 1 ou 2 ports d attache avec des gins qu in a connu
j avo armarqué cha quand que té raconto cha Jean Marc, t éto fin bénache d' trouver quéqu un à qui parler, eune tiete que té connaicho, in d'vient un peu comme un étranger dans sa ville .............

ché d autant plus marqué pour nous , que in plus des gins qu in a connu qui sont plus là, ché toute l ame d' note ville qui a cangé ,pu d' commerces in ville, pu grinmint d' traval, rin qui a pu rimplacher la monopolisation des compagnies des mines
de 1890 à 1970 tout a tourné à bruay autour de l activité minière
ché gins sont v'nus ichi attirés par des salaires bin plus interessants qu à la campane, la compagnie des mines ale a fait d' sacrés bénéfices qui li ont permis d' investir et d avoir la main mise sur bruay , construction des écoles, de l hotel de ville, création des clubs esportifs et de leurs installations

in travaillo pour la compagnie des mines ,directemint au fond ou au jour, ou in gravito autour, comme ché commerçants

asteure tout cha a été balayé d un revers d' main, mais sans arconstruire aprés





 


Contact | ©2005 histoires-de-chtis®.com - Webmaster : Gold77 - CNIL : 1075910 - 4 visiteurs connectés - Qui est connecté ? |