le briquet silver match

ché en in voyo un dans l' sujet qu a fait Daniel "des bricoles de La Napoule" que cha m est arvenu am' mémoire ..

le briquet silver match i trono dans ché d'vantures des magasins d' tabac, i trono dins n' écrin, presque comme un diamant mes gins

et que classe d avoir un briquet moderne ... pasque si ch' zippo y a eu à nouveau eune nouvelle vie eune vingtaine d années après , autant dans les années 60, ch' zippo avec s' flamme pas toudis bin réglée et qui pouvo vous breuler les sourciles....
sans oublier que quand qu on alleumo ch' zippo, ché comme chi in metto s' guiffe au d'sus d un reservoir à essence
chéto pu à la mote ..

chéto l' briquet des viux, nan fallo et' moderne, in acato un briquet avec eune flamme régulière
ché publicités ale montrotent des cadres, des representants de commerce, cigarette al' main, (cha faijo viril) et ch' briquet silver match, chéto la classe

alors yavo pu qu a rajutter à ch' briquet silver match , l' étui à cigarettes, alors là t éto paré pour sortir l' samedi soir dins ché bals, ché "boums" , ou à aller vire à mon del salle grossemy l' passache d eune vedette nationale .....

ché modele que t a présenté Daniel, i pouvo artirer la partie basse qui éto en fait eune sorte d étui métallique

d' là in pouvo acceder au dessous du briquet, pasque chéto par là qu in faijo ch' plein d' essence , ouais , in acato eune boutele espéciale , d' gasse transparent , sous pression, fallo mette l' bon embout , chti qui rintro bin dinch' modele d' briquet , t appuyo assez fort et ché comme cha que t arfaijo l' plein du briquet

pi l' plus délicat chéto d' canger l' tchiote pierre qui servo à faire l étincelle, t acato cha parel ché ch' marchand d' tabac, it' découpo l' nompe d' pierres que té voulo sur un blister cartonné avec eune paire d' ciseaux

rintré at' mason, t artiro l' partie basse du briquet, fallo printe un tournevis classique , pour ouvrer un tout chtio emplac'mint, artirer l' pierre usagée, pas s énerver, printe dins ché gros doigts l' toute tchiote pierre, arriver à l' mette in plache sans qu ale reste collée sur not' main, arfermer l' briquet et raviser si cha marcho bin
plus tard silver match i a commercialisé l' briquet electronique, alors là chéto l' fin du fin, t appuyo tout douch'mint et l' flamme alle arrivo, pu d' molettes à tourner , cha faijo trop ringard

le briquet chéto un objet personnel, in avo sin briquet comme in avo sin portefeule ou sin stylo bille à corps metallique

pi paradoxal'mint in a fait des objets d' plus en plus simple, d' moins en moins cher faut l' dire aussi, et y a fallu s ' habituer à acater des objets jettapes
et j' prindro l'exempe de la marque BIC , qui a fait des stylos non rechargeapes, donc jetapes, pi aprés des briquets à molettes jetappes
fini l' drame d' perde un bio briquet, té perds un briquet asteure ? tel' cange comme té veux ...ché cha l' progrès

J'me rappelle d'ché briquets du même genre qu'in tirot dins ché tirettes al ducasse. In metto 100 francs et in saquot sur ech tiroir. Y'avot un briquet toutes les chinques boites sur lesquelles chéto marqué "plaisir d'offrir". y'avo aussi ché briquets tempête. Cylindriques à essence. Chéto l'briquet d'ché marin pêqueux. El flamme al s'éteigno pas par grand vint.
In trouvant d'l'essence à briquet din des boites in fer mais aussi dins des ampoules qu'in aquato ach débit d'toubac, in minme temps qu'ech paquet d'P.4. des clopes vindues par 4 avec inscriptions PARISIENNE.

Mi min père i avot in briquet comme ichi in d'sous, avec un couvercle.
I fallot y mète ed l'essence sus d'el ouate qui avot en dins.
Cha faisot eun' finquère, et quand qu'i avot trop d'essence té pouvos bruler tin nez.