Germinal
par minloute le, 09/09/2010in cangeant d' chaines y a 2 jours , j' tompe sul' film Germinal d' Claude Berry
J'va pas rintrer dins l' détail si tout y est vrai, j' cro meme que les galeries ale devottent et' bin moins larches ach' momint là , mais ché un flime qui fait réfléchir ....
in s'plaint asteure ché vrai y a la crise , et j' dis pas cha pour dénigrer c' qui s'passe asteure, mais quand qu on peut imaginer l' vie qui pouvottent avoir ché premieres générations d' mineur, cha devo pas et' drole tous les jours, et sans réel vision su leur av'nir .....
ché aussi pour dire que j' voudro pas que la vision qu in a sur les mineurs al' so déformée .......
y a un momint , quéqu un avait déposé un sujet contreversé, dérangeant sur la vision du travail des mineurs et que certains ont tout d'suite pris ch'drapeau pour défente l image du mineur et de son métier
mi j' les admire ché mineurs, pasque pour mi , cha a été des générations sacrifiées
ché sur que pour ché premiers fermiers et mineurs à la fois , i gagnotent miu leur vie qu in restant al' cinse
mais faudro pas oublier tous ché mouv'mints sociaux qui ont "fleuris" à la fin du 19ème et au début du 20 ème sièque
yavo pas d'notion d'confort comme asteure, in parlo pas d'niveau d' vie mais plutot d' notion d' survie
j invite ceux qui ont pas cor ravisé d aller faire un tour dans les rubriques d' gauche et d' lire ché conflits sociaux qui y a eu
à peine sorti d' l école , allez in route pour l' fosse, pi pour y laisser eune bonne partie d' leur santé
j avo lu sur un aute site j' sais pu l' quel , quéqu un qui raconto les r'tours du traval d' sin père, qui s asseyo sus' caielle en rintrant , qui metto s' tiete dans ses bras meurtris d égratignures del fosse
y a d' quo et' in colère quand qu in va su ché tompes d' vire qu' ché gins là i zont pas vécu vieux et qui n a un paquet qui ont souffert del silicosse sans profiter d' leur retraite
ché pour cha que j a un profond respect pour des gins qui ont fait leur traval, qui ont , à chaque génération , essayé d améliorer le quotidien et l avenir d' leurs zinfants , avant d' pouvoir pinsé à eux
in est presque tous ici sul' site, des descendants d' mineurs, essayez d artrouver des documints ou discutez avec ché générations précédentes, et si in sait pas du qu on va, in peut faire un parrallele entre du qu on est et du qu on vient ...
min pétit garchon i a fait dé l'maintenance pendant les vacances 12 à 14h par jour
et i allo din chez usines avec un autre pour réparer un type de machine din toute la France
et pis i est arqueu d'in eune usine j'resterai discret là d'sus et i a recontré des copains d'lycée qui faijotent un stage din ch't'usine
pas de masque pour le nouviaux arrivants à l'atelier, l'poussière ché gratuit
pas de gants non plus cha coute cher
pas d'arrêt , et,!!!!!! t'es piches din chés bacs, t'es vas pas aux toilettes
i étot tout drôle d'nous raconter cha
in peut se demander c'que fait la sécurité et la médecine du travail
cha ché des étiquettes qui n'ont aucune valeur din l'privé du brin
t'agrettes l'fosse quand t'arqué din in fien parel
et t'es t'aperçois que t'étos bien al fosse
j'l'ai vécu aussi cha