les entrées du diminche
par minloute le, 15/09/2010l' diminche midi chéto sacré,ché pas qu in sorto l' ménagère ou ché grands plats, cha in l' gardo pour les grantes occasions, mais l' diminche midi l' maitresse d' mason ale faijo un bio plat , alors chéto soit del langue , soit du pot au feu, soit du poulet, cha chéto l' plus classique, soit un rosbeef, et quequ' fo mais chéto plus rare un gigot
pi au niveau des zintrées , chéto assez rigide , soit chéto du cel'ri rémoulate dans eune tranche d' jambon, ou alors del macédoine avec del mayonnaisse à l intérieur, soit un plateau d' crudités , aprés si yavo du monte , in avo droit aux bouchées à la reine ou aux friands, qu eune fos que t a mingé toute l' pate t es djà calé ......ou alors m' mère ale coupo des croissants en deux, elle faijo eune sauce béchamel avec des champignons, alle napo cha d' gruyère rapé , pi ale les metto sur eune plaque qui allo dinch' four
j' avo oublié aussi les tomates évidées que d'dins aussi in metto d' la macédoine ed légueumes, cha aussi cha bourro bin......
ché que dans les années 70 que cha a comminché à canger, m' mère ale a comminché à faire des paellas, del choucroute, du cassoulet , in a commincher à gouter des espécialités, qu asteure in mettro moins en avant
bin mi j'em rappelle bin d'ech' pot au feu , avec comme plat d'résistance du riz au gras , ou pour canger , des petotes a l'ieau qu'in écrasot avec chés carottes d'ech' bouillon
mais quand j'ai lu ch'tite ed' tin commentaire j'ai pinsé fout balle , passe que chés matches chétot el diminche aprés midi , et comme bollaert yétot au bout d'el cité des fleurs , in avot l'drot d'y aller , et arrivée a l'intrée , sans rin d'mander , yavot un grante personne qui nous prenot par la main et in rintrot sans payer , tout seul chetot interdit , et a l'sortie in dijot "merci monsieur" et in allot juer a duffuler , ourdouilli etc , d'su ch'terrain vague a coté d'el maison