mi j' m' appelle Paulo suite 2

in éto in pleine euphorie avec l arrivée du nouviau bébé, mais in avo aussi des momints d' doute, ch' nounours i avo raison, in intindo ch'l' infant pousser des tchiots cris, et li in éto pas v'nu l ' arquerre pour printe du service...

j avo des momints d'doute, mais ch' nounours i m' discuto avec mi dans zin coin et im' dijo " t inquiete pas pour ti , Paulo, i zauront cor b'soin d'un bidet à bascule" ..."par conte" et là i baisso s' voix, " ché pas sur que not' camarate l' tiete d' bidet montée su manche i dure cor longtimps, té sait " et là i baisso cor d un ton " j a été j' té un coup d eule dins ché piles d' revues là bo et i parlent d eune nouvelle matiere révolutionnaire qui va tout canger , cha s appelle le plastique "
pi i rajoutto " mais j' su nin inquiet pour ti , ch' bidet à bascule , t a cor d' bios jurs d' vant ti"

j' savo que j' devo et' patient , pi un jour l' porte d un bas al' s' ouvre et j' vo ch' père qui monte, avec sous l' bras un aut' nounours qui a du faire sin temps in bas, il le met avec l aute et d un seul coup j' me sens arpris par l' tiete et l' croupe et vla ti pas que j ingache dans les escayers dans les bras dech' père
j à tout juste au l' temps d' faire un clin d eule à nounours et à ch' bidet .....que j' m artrouve in bas

oh croyez pas que j' su accueilli comme eune vedette américaine, pas du tout...
d' abord ch' père i s' fait ingueuler pasqu i m a déchindu sans avoir busier à m' passer un coup d' chiffon ...
alors là j' visite l' mason à eune vitesse grand v, j' m artrouffe dins l' cour pi tout d' suite aprés sul' tape d eune des barraques
j' vo ch' père qui m' essuye bin, bon j a l air cor bon pour l' service , toutes ché toiles d araignées artirées, pi savez , eune fo nettoyé , in s' sint miu

alors là retour dins l'mason du qu in présente au nouviau bébé, cha va y est pas trop gros non plus, j' su là in bas pour eune paire ed ' mos

par conte j a été déçu, pasque ch' gosse précédent y a pas eu un r'gard sur mi..comme si j avo jamais existé pour li , et pourtant in in avo fait des kilometes ensempe...

mais asteure j' comprinds miu la sagesse d' nounours , faut pas espérer des gins , té va querre de haut, et t aura que d ' l ingratitute ......

et ché arparti pour un tour, mais faut s' méfier quand meme, pasque y a des zinfants qui vous ont pas ker au début, i zont peur, et nous in' s' dit "mon diu, faudro qui s habitue sinan j' va armonter là haut vite fait" ...

en régle générale, cha s' passo bin, pi eune fo in bas, j' pouvo m' faire des comparaisons du genre, "ah l' tapisserie ale est cangée, mon diu que cuisine moderne ché du FOR MI CA , ouais ché cha , tient ché cha l' nouvelle horloche,(faut dire qu in avo vu armonter ch'carillon wesminter qui avo bercé eune paire ed générations...), tiens y a un poste d' radio sans fil , cha s appelle un transistor............

on ravisse aussi ché "collègues" , ouais ché nouviaux jouets, bon j a arconnu queques anciennes connaissances, comme l' boite à cubes et le hochet , par conte y a plein d' nouviaux et ch' nounours i avo raison, ché tout in plastique asteure ..........