mi j' m' appelle Paulo suite 5

pendant longtimps in nous a tous oublié là haut , in avo moins en moins d' visites, à croire que ché gins i jettotent plus qui ne gardottent ........
pi un jour in vient nous arquerre, ah ché pas ch' père qui vient nous querre, y est d' venu grand père inter temps, ché un garchon ou eune file qu on arconno pas tout d' suite mais qui vous print avec douceur...

d' abord ale vous caresse, ale vous parle et ché là qu' vous faites l' raproch'mint que l' file ou l' garchon qui vient vous printe avec eune pointe d' tendresse chéto l' tchiot qui pouvo rintrer dins l' bascule et qu à ch' momint là in vous a armis là haut , au grenier ...

souvint in a eu dro ach' momint là à eune cure d' jouvence, j' sais , faut lévoluer avec son temps, mais pourquo quand meme , pourquo m avoir arpeint in violet , ou en rosse fluo ? ché l'modernité, ché pour faire "quitche" qui dissent
et m arvlà qui arsert pour ché ptits infants, oh moins longtimps qu auparavant, pasque j' sais pas c' qui a eu inter ché générations mais ché bébés i zont profités .... pi j' su pu l' seul juet, oh mon dieu, in n a partout asteure , j a dla concurrence .........dire que quand j éto jone, mes camarates juets in bo i v'notent du jura, asteure cha do v'nir d' plus loin ché marqué "made in china"........
j' conno min destin, et j' sais que quequ' mos plus tard quand qu in m armet dins l' carette j' va artourner am' mason là haut dinch' grenier
in passant j' va vu qu' min père et m' mère i zont pris des caveux blancs, ché d ailleurs pu min père qui m armet là haut, trop mate pour l' faire ......

pi ché arparti pour la solitute , mes camarates sont toudis là,j' osse pas trop leur parler dem' sortie vu que eux , cha fait d'zannées qui sont pas déchindus, dire qui zont meme pas connu l' télé....
ché long, les années passent, in est dans eune grande torpeur, et un jur, ché un monsieur ou eune dame aux caveux gris qui viennent vous chercher, et j' diro avec cor plus d' tendresse ...
in déchint du grenier, in arrive au palier du qui avo l' champe dech' père et del' mère, asteure i dorment in bas, trop mates pour monter à l étache, pi ché deux autes champes du qu asteure pu personne dort sinon ché zinfants lors d' leurs passaches .....
là in nous met dans une carette et souvint in quitte l'région, in l a pas vu v'nir cha , in a cru qu in aller cor partir pour arvénir, mais nan ch' coup chi, in sint qu in arviendra pu ichi
in argrette d' avoir pas eu l' temps d ' imbrasser ché zautes juets , camarates d infortune d' puis tant d années .........

in arriffe dans eune nouvelle mason, in ravisse si y a d' zinfants ou des tchiots infants, bin nan, y a pas personne ...in s inquiete quand meme ....
pi in reste pas dans l' mason, direction l' garache , là j' vous avoue qu in a un grand coup d' cafard ,et que l' premiere nuit in a du maux à trouver l' sommeil ...

pi l' samedi suivant , in vient vous querre, in vous met sur un établi et là ché la totale : ponssache, décapache, in artire toutes les couches d' peinture accumulées durant ché dernieres quarantes années , in met du mastic à bo pour masquer tous les "chtars" qu in a pris durant tant d années et in vous arpeint
oh pas avec del peinture à volet ou un reste d' fond d' pot, nan ché del peinture espéciale pour cha

alors so in a dro a eune lasure pour arsembler à quoi in éto au tout début ou alors in nous arpeint avec des peintures pastel du plus bel effet ....