cor chinq mineutes pi au lit le début de la fin
par minloute le, 03/11/2010arriffe l'momint du que dehors i fait trop sombe pour juer, tout l' monte i rinte, alors in arsort les jeux d' sociétés et ché in route pour des parties d' jeu de l oie ou d' bidets sous l eule attentif d eune grante personne
y a des coups in jue aux dames, et comme i manque 1 ou 2 pions in a complété ch ' jeu avec des bouchons arcoupés d' bouteles d' vin.......
là cha d' vient cor plus calme, cha fait aussi un momint que certains ont comminché un tchiot roupillon dins l' banquette , bouque ouverte , avec quequ' fo des ronflemints qui font rigoler ché tous pitits "éh mononque i ronfe" ......
cha fait à peine 3 heures qu in a sorti d' tape, et cor , j a pas parlé des boudoirs qu in trimpo dans l' vin et qu in mingeo au momint du café , que l' maitresse d' mason ale arriffe et ale dit "qui ché qui r'minche ?"
alors t avo toudis les memes qui l'votent l' main immédiat'mint, chéto pas des glou becs ceux là , aprés t avo ceux qui dijotent ah nan tout d' suite, pi ceux , toudis les memes qui hésitotent et qu in savo chaque année qu ale zallotent minger quand meme, c' qui les empécho pas d' demander c' qui avo à minger
et pourtant in pouvo djà l'dire à l avinche , chéto parel chaque année : du jambon , du paté, du saucisson frais et del salate
et ché charcuteries chéto pas du à mon Cora , ah nan , chéto del charcuterie du charcutier, qu' té pouvo raviser au dos dele feule d emballache, i yavo souvint un tchiot cochon qui dijo "j su contint d' finir in paté chez le charcutier Untel" ......