ché ch' pain coupé
par minloute le, 25/11/2010
Madame Maréchal, chéto l' dame qu ale teno l' dépot d'pain (très bon d' ailleurs) , dépot d' pain, patisserie , tabac, journeaux rue Anatole France
quand que j' dis qu ale le t'no, chéto d eune main d' fer, j a djà eu l occasion d' parler de chte Dame ; tout aussi exigeante avec elle meme et ses fournisseurs....main d' fer aussi avec ché clients pasque yavo pas d entourloupes avec elle,et si yavo quéqu un qui essayo d'" l infinquer" ou li raconter des carabistoules pour eune ardoisse en attente, j' peux vous dire que cha sinto l' acier brulant ......... mais d un aut' coté tout aussi généreuse avec eux , meme si ale le crio pas sur les toits
mi j y a travaillé 1 an tous les sam'dis matin, et j' peux vous dire chéto en 1980 , qu in chomo pas .....chéto comme in cuisine dans les grands restaurants l' coup d'feu durant 4 heures , et avant l ouverture, chacun éto à sin poste, Elle , derriere sin comptoir, "Maréchal" sin mari, qui donno un coup d' main l' sam'di matin sin jour d' repos, mais li chéto eune amusette avec ché clients , tout in travaillant bin sur, et mi à couper ché pains à l avinche, pains coupés bin cuits , pas trop cuits, normaux ...
chacun i savo c' qui avo à faire, Madame Maréchal tout en étant servant les clients que ce soit pour le pain et la patisserie et en tenant la caisse, avait un oeil sur tout le monde , clients comme "employés"...
mi cha allo , d 'ailleurs té pouvo pas faire autremint, fallo qu' t a toudis 15 pains coupés d' chaque avant d' ouvrer l' magasin, et aprés chéto la course contre la monte, couper ch' pain, l' ensacher, et donner ché pains aux clients quand que chéto des quantités importantes ..
chéto cor l époque des familes nombreuses et in avo 2 familes qui v'notent printe chaqueune plus d' 10 pains pour l' week end ...
j' me souviens d eune famile que chéto 14 pains coupés qui prennottent à chaque coup, chéto d ailleurs les tros plus jones del famile, enfin ceux qui savotent marcher et traverser l' rue tout ceux, qui v'notent l' ker l' pain (cha veut dire que derriere ché 3 là, i devo cor in avoir 3 in plus bas age al' mason plus ch' quatrieme dins l' vinte del mère)...........
l' "drame" chéto quand que ch' livreu d' pain, chéto du pain d' chez KRAWCZIK , j' sais pu si chéto sur Marles ou Auchel, i avo du retard dans s' tournée d approvision'mint
ouais i v'no tro coups rin que l' sam'di matin, avec s' n' acadyane ... Joseph qui s appelo, un viu mineur polonais artraité, avec comme tous ché viu mineur, l' casquette vissée sul' tiete, des mains , mon dieu que malheur que si i tin artourno eune té valdingo dins l' pieche, mais bin seur d eune grande gentillesse , avec un plus et là chéto espécial'mint pour li eune certaine nonchalance , que Madame Maréchal ale prenno pour d' la lenteur, et que meme si ale li faijo des reflexions par momints dinch' magasin si y éto in r'tard, cha passo bin au d'sus d' min Joseph, et cha li attaquo pas l' moral
j' me souviens un coup y avo pu d' pain, mais alors pu d' pain, ale avo appelé ch' dépot qui li avo dit que Joseph i éto parti comme à l habitute mais qui auro du et' là ...y a arrivé cor chinq mineutes aprés.... in a décarqué ch' pain del carette , commint vous dire, comme pour ché ravitail'mint dans les courses d' formule 1...l' temps que Joseph, i arrete sin moteur, met' sin frein à main, prenne sin papier à faire signer avec ch' nompe d' pains livrés, et qui sorte del carette, in avo vidé ché paniers dans les rayons et min Joseph i éto tout abasourdi par l' rapidité qu in avo mis pour faire cha .......
Pour Minloute
Si mes souv'nirs sont bons KRAWCZYCK chéto un boulanger à BARLIN. Y faijo ses tournées et y passo même d'in l'cité HLM rue verte al bussière. In pouvo même comminder del viande. Insuite ej cro qu'ché li qui à monté ARTOIS PANIFICATION din l'zone industrielle ed RUITZ. Mais attention rinségnement sous toute réserve. J'attind d'vos zotes d'éclairer m'lanterne.
Din l'journal du mois d'novembre j'ai vu un m. KRAWCZYCK boulanger qui éto décédé. J'sais point si ché li.
bin dis donc ta des sacrés souvenirs , mais vraimint din'ch'temps la y etotent pas moderne chés boulanger , ché si facile avec chés machines , ed' couper du pain
par kiki le, 26/11/2010ché ch'pain coupé
Pour faire suiffe à ch'tartique ed minloute et pi qu'un parle d'un nom de'boulinger, mi j'vas vous faire eune réponse edpuis Liévin mes gins.
Ichi nous un a eune boulang'rie KRAWCZYK aveuc deux s'adresses d'ssus l'papier d'imballache eune ichi à Liévin et l'autte Ave j-Jaurés mais ch'est à Auchel peut ette bin qu'ch'est d'lle parinté à chés gins la.
Un tout cas leu pain y est rud'mint bon, allé mes gins sur ce j'vous dis bonne journée à tertous.
Christian - kiki ed Liévin.