Petit Papa Noël
par leon grossel le, 26/11/2010Pétit Papa Noël,
J’ t’écris pon eune lette pour te té m’ armuches d’ cadeaux quand té déchindras du ciel..mais pour que t’y armontes !.
Comme d’effet, d’ pus un an, té t’évertues à rester incrinquer à l’ nonchère des voisins d’ mes pétits éfants et je n’ sais pus quoi leur réponte.
J’ ai pas su quoi leur dire au printemps quand ches coulons des alintours t’ ont bédelé jusqu’ à tes orelles , j’ ai pas su quoi leur dire à ch’ l’ été quand té suos à grosses gouttes serré dins t’ n’ anorak rouche alors que l’ goudron i fondot sur l’ route….et j’ai pas su quoi leur dire l’ semaine passée quand eune rafale d’ vint a décorné les rennes d’ tin traineau !.
Sauf tin respect , mais à s’ t’ heure t’as l’air d’eune andoule . In dirot que té fais t’ tournée dins eune carrette à quiens !.
Petit papa Noêl, t’étos déjà à l’ ouvrache quand j’ n’étos qu’ un jone, adon, même si t’ ardonnes d’ l’ espoir à ches séniors qui cachent du traval, j’ t’ in supplie arlis l’ nouvelle loi sur les artraites et té trouveras suremint eune pache sur les lonques carrières qui t’ permettra d’ souffler un pétit peu et d’ déchinte d’ tin perchoir.
Grosses baisses. Léon.
Ps : L’ an passé min garchon il avot demindé un « MP3 à carte »…..pas 3 cartes d’ l’UMP !..té vos , té fatigues..té vas finir pas t’ faire foute à l’cour !