quand qui yavo pas d hayure
par minloute le, 28/11/2010sul' coté del mason , du coté que cha donno rue leverrier in avo dans l' temps eune haute cloture et derriere min père avo installé des troenes
sacrée plante que l' troene , ché sur que cha d' minte d' l entretien et que si tel' coupe pas au moins 2 coups par an, cha part d' partout, chas' dégarni et cha pas bio
donc in avo eune grante cloture in béton ajourée, et in jour in s a aperçu que cha balo sec ...min père qui éto syndicaliste et qu in appelo " l emmerdeur" , y a armué ciel et terre, bref, dins l' mo l' cloture ale a été mise à terre, et rimplachée par eune aute, mais là chéto comme qu on appelle eune cloture anglaisse, savez , ché pu qu eune barre d' béton qui est incrinquée horizontal'mint dins des poteaux mais cha monte pas bin haut ch' t affaire là ...et bin sur ché troenes qui étotent accusés d avoir saqué su ché fondations , cha a été artiré ...
du jour au lend'main in s a artrouvé comme tout nu, pu d' vraie barriere d' vant nous , quand qu in mingeo in voyo tout c' qui passo dans la rue, donc l inverse chéto vrai aussi ...
un peu plus bas qu' chez nous y avo eune famile d' 10 zinfants, et l' femme elle, ale avo pas 30 ans, ale éto maique comme un clou, c' qui l a pas impéchée d' ete eune "glaine pondeusse" néanmoins avec tout l' respect que j' l y porte ..
comme ale éto cor jone, et qui avo pas d' jumeaux cha voulo dire aussi que dès que l' "salle d' jeux" ale éto rouverte, chéto banco à chaque coup .......
donc ché zinfants i s'suivotent tous d un an, et quand qui sont arrivés dins l'log'mint plus bas qu' chez nous , cha a fait d' l animation d un coup ...
et un des premiers soirs qu in éto à tape, in vo , ou plutot on intind débouler eune partie des jones dins l' rue, i passent comme des fusées , sauf in des tchiots derniers, un dégourdi, un peu comme chti qui juo dans la guerre des boutons, i éto djà à la traine des zautes qui courotent comme des dératés jusqu al' pature un peu plus loin mais li, y a j'té un coup d eule d' note coté
i s a arrété sec, i s a approché, i a rin dit, et là comme min père i allo s' léver pour li dire d' partir, l aute d' li meme i a ravisé ses zautes freres et soeurs et avant d' les zarjointe y a crié bin fort "hé ! in minchtent des noules "
cha nous a bin fait rire , mais comme in voulo aussi avoir notre intimité , ché not ' vigin d en face qui nous a ram'né 5 tchiots arbustes qu in connaicho pas, chéto pas si courant qu' cha dins l' région ach' momint là, i nous les avo eu j' cro par la sta du qui travaillo comme jardinier, chéto des tuyas ......... bin y zont t'nus l' coup i sont restés in plache 35 ans en plache .......
ech t'histoire la eme rappelle quand j'allo avec eme grand mère rinde visite comme in dijo a ch'tépoque a mr et mme Labbé din l'rue Leverrier, el premiére mason qui faigeo l'angle avec el route nationale a gauche in rintrant din l'rue leverrier y a d'ailleurs eine photo such site, monsieur labbé chéto un géomètre aux houillères ech parle ed cha chéto in 48 55 chéto des biaux souvenirs pasque chéto des gins gentils malgré qui faisottent bourgeois a l'époque
par maurice devos le, 29/11/2010ed' t'histoire ed' bonne pondeusse , ed' salle ed' jeux ouverte , cha m'fait pinser a des voisins in face ed' mes parints a lens din l'rue des rosiers
li yetot manchot et sourd comme un pot , y parait qu'ya voulu demonter un obus , et PAF , enfin cha n'la pas impéché ed' faire 22 gosses as femme , j'té rassure tout d'suite , in'da eu qu'huit ed' survivants , ché pas méchant s'qu'ej'dis , ché tant miux pour eusse passe que chetot d'ja el'misère mais la cha arot été catastrophique , rien qu'pour les loger deja , et j'parle pas du reste