avec Guy Dubois in s' régale

j a fait un artique y a pas longtimps sur "leçons de patois de Guy Dubois" qu in peut vire sur l' net, particulier'mint arprisses par le site dailymotion , ou directemint sul' site "télé gohelle"

mi cha y est j a pris l' pli, j'acoute bin c' qui m' dit l instituteux, meme quand qui dit qui faut bin réviser et qui pourro y avoir un jur eune interrogation écrite qu ale pourro nous querre su les écalettes ......

in s artrouffe 40 , 50 années voir plus en arriere , tout cha dépind votr' age asteure , assis derriere sin pupitre à acouter religieus'mint ch' maite

in plus que Guy Dubois avec s' blousse grisse i m' fait pinser à Mr Robitaillé , pour mi l' exempe meme dech' "bon maite" , in apprint avec li, tout en l ayant ker, mais i viendro pas eune seconte l' pinsée qu in pourro chahuter avec ,ah nan ...
à s'deminder si Guy y auro pas été dans l' enseign' mint rin qu à vire l' fàçon dont i écrit avec l' craie au tableau ............

in apprint l' origine d' ché mots, que cha vient soit d angleterre, del flandres toute proche, du latin, du germain ou de l espagnol .............faut dire aussi qu in a été longtimps eune terre d ' passache, et bon nompe d' tribus, de clans, de nations, sont v'nus ichi plus ou moins longtimps trainer leu savattes ..............

Guy i nous dit souvint d' pas avoir honte d' not' parlache, que ché pas du patois mais eune langue ancienne , et quequ' fos plus proche du latin que l' s'ro l' meme mot en francais ( j a in tete l' mot "anette" cale designe eune cane , que cha vient du latin "anas" ,alors que l' français ,li, y a rajouté un "c" d'vant )

i aborde aussi , entre les lignes , qui a eune différence entre l' patois , "l' vrai patois" , et certaines déformations du français, exemple pour une poche, in diro facil'mint "poque" alors que "poque" cha désigne un trou dins l' pio souvint et qui faudro imployer l' vrai mot d' patois " tasse" mi j' me pourlecque à acouter ses explications

à raviser et à diffuser sans modération

ouais ché vrai qu'cha vaut l'coup d'ête vu et intindu , mais faut pouvoir suif tout cha , bin sur avoir el temps , mais aussi bin comprinte , et surtout arténir chés origines d'chés mots , em pauf tiête al éclate

mi j a fait comme i dit ch' maite, cha fait un tableau excell et j a mis à chaque coup l' explication d' ché mots pi l origine , j' trouve cha très interessant

ouais Minloute, ti tavo compris tire tes mains ed té tasses pour boire en canette, ché pu el même sens..