eune matinée espéciale, le vendredi matin la suite
par minloute le, 03/12/2010y a un aspect aussi des raisons qu in allo au marché que j avo pas mis in avant et que Lou Marcel i m y a fait arpinser , ché qu in allo aussi au marché pour aller vire des commerçants bien spécifiques
ché vrai que ch' boucher chevalin, chéto un incontournape du marché, et j' do avouer que l' saucisson d' cheval, ché eune des chosses que quand j'ele comminche, j' sais qui arvérra pas l'lever du solel chtilale ....
j a parlé du charcutier pour ses patés, mais j avo oublié d' parler des pieds d' cochon qu' min père i ram'no ...ah les pieds d' cochon, in éto que nous deux à in minger al' mason, faut dire que ché un exercice espécial, faut aimer l' gras, et faut aimer croquer, rogner .......et minger aussi avec ses mains ....
min père i ramn'o aussi des crépinettes , cha m est arvenu d un coup
yavo aussi ché gins qui ne jurotent que par l' charcuterie polonaisse, ou qui avotent eu l occasion d' minger la fameuse metka et qui l avotent adopté
tout comme ché gatiaux polonais qu in trouvo aussi en légion sul' plache marmottan ................
j' me souviens aussi d' ché commerces espéciaux qu in s' demindo commint ché gins i réussissotent à in viffe, ch' marchand chi en blouse blanque qui vindo du miel et d' la gelée royale, gelée royale qui avo des vertus médicinales presque miraculeusses , sans oublier ché marchands d' bonbons, avec toutes ché boites du qui yavo tout c' qui éto imaginape ed' trouver, du nounours in guimauve qui avo mes faveurs, au rouleau d' réglisse avec l' pastille d' couleur au miyeu, in passant par ché caramels, ché bonbons Lutti, ou Kréma et tout ché chuques d' couleur ...
avec un faible aussi pour 2 bonbons espéciaux de chez Kréma, chti qui éto noir et blanc, à base d' réglisse et d' menthe, et aussi le Kréma Batna à base d' caramel ou de café .... j' me souviens aussi qu in s' servo avec eune espece de tchiote pelle in fer qui arsonno al' tchiote pelle à carbon .... j allo oublier ché ronds d' reglisse du que chéto eune tiete d' lion .....
yavo aussi un marchand d' bouquins d occasion, mi j' avo ker raviser les couvertures des oss 117 , ché liffes du qui avo toudis eune file aux formes généreusses sul' couverture ......
j a du in oublier des commerces ché sur, pi chacun as' vision du marché, j 'su sur que j a fait des oublis , rin que les moules qu in acato ché l' poissonnier du marché , tiens , pi aussi ch pitit monsieur qui avo eune carette espéciale , avec un volant mais qui ayonno d' avant en arriere pour avincher ...
chtilale chéto un fin savez, i s' garo au coin du marché avec s' carette comme si i éto in train d' discuter avec quéqu un, bon si y pouvo vinte eune paire ed collants , du savon ou des lames d' rasoir qui avo dins sin coffre à l arriere , i s' géno pas, par conte , i traino pas quand que ch' garte du marché i faijo l' tour, mais j' cro que ni l un ni l aute éto pas dupe, in faijo semblant d' pas s' vire j' cro bin
asteure, ch' marché del plache Marmottan i s a réduit à portion congrue , si asteure in peut s' garer in carette sul' plache quand qui a lieu, ché qui a bin diminué
faut dire aussi qu un tiers des habitants a quitté Bruay, que la population ale est agées et que déchinte et armonter du marché cha d'vient au d'sus d' leu forche
faut dire aussi qu entre temps, ch' grand magasin COra i s a ouvert , et qu in inmene Mémé, ou in li fait ses courses... pi pour ché légueumes in plus y a ch' magasin Taunus qui s éto ouvert in bas del rue d' la république , juste avant la cité des musiciens
autre temps , autres moeurs, y a que l' marché d' la gare qui tient l' coup, mais li aussi va s' printe tout douch' mint des claques, faut dire qui yavo eune sacrée densité d' gins qui habitotent par là,et chéto vraimint du commerce d' proximité ..... mais meme par là, on a comminché à abatte ché grandes séries d' longs corons .....
i tiendra cor eune paire d années, pi i f'ra comme chti del place Marmottan , comme l' peau d' chagrin i va réduire ...
t'as oublié ech'marchand d' volailles minloute. i éto situé au milieu d'l plache. ché pauf' bêtes i z'étotent infermées dins des espèces d' caissons grillagés. j'avo pas quer passer d' vant parce que cha sinto mauvais. comme grandmint d' marchand i n'existe te pu. au marché d' Denain i in a incor un quand ej passe d'vant cha m'i fait arpinser.